Amed

Komek ji endamên Meclisa Daîmî ya KCD’ê bi armanca pitşgiriyê bidin greva birçîbûnê ya girtiyên Kurd ve hatiye destpêkirin û 57 roj in berdewam dike, dest bi greva birçîbûnê ya bêdem û dorveneger kirin.

Komek ji endamên Meclisa Daîmî ya KCD’ê piştgiriyê dan greva birçîbûnê ya ku ji 12’ê Rezberê ve ji aliyê girtiyên Kurd ve hatiye destpêkirin û ketin greva birçîbûnê.

Meclisa Daîmî ya KCD’ê di civîna 4’yê mijdarê pêk anî de biryara “mezinkirina berxwedana demokratîk” da. Hat diyarkirin ku di vê çarçoveyê bi şîara “daxwazên wan daxwazên me ne” komek ji endamên Meclisa Daîmî ya KCD’ê dest bi greva birçîbûnê ya bêdem û dorveneger a ku dê heta dawiya greva birçîbûnê ya girtiyan bidome, kirin.

Meclisa Daîmî ya KCD’ê heta niha desthilatiya siyasî tu pêngavek liberçav neavêtiye û got: “Li seranserê Kurdistna û Tirkiyeyê li her derê çalakiyên xwedîlêderkttina van daxwazên mafdar, rewa û demokratîk belav dibin. Li hemberî vê her çendî rayedarên hukûmetê hin daxuyanî dane, lê heta ji bo çareseriyê tu tiştek nehatiye kirin. Êdî rewş gihiştiye asteke krîtîk. Her deqeya derbas dibe, giraniya maneweyî ya çalakiyê ya li ser hêzên demokrasiyê zêdetir dibin.”

KCD’ê wiha domand: “Li aliyekê pêngavên çareseriya demokratîk a pirsgirêka Kurd ên ji aliyê her kesê ve bi awayeke pêwîst tên dîtin, li aliyeke din jî rastiyeke ku dê rewşeke nerênî dê ziyaneke mezin bide girêdana hestyarî ya di navbera gelan de . Ji ber vê jî divê her kesê xwedî wijdan li hemberî vê yekê bê deng nemînin.”

KCD’ê, di serî de kurd, bang li hemû hevparên xwe û raya giştî ya demorkatîk kir ku xwedî li daxwazên girtiyan derkevin û berxwedana demokratîk bilindtir bikin.