Diyarname
Di Economist li ser rojavaya Kurdistanê nûçe şiroveyek weşand. Her wiha KCD'ê xwest Tirkiye li AAS'ê sînorê bigire.

Li navçeya Serêkaniyê ya girêdayê wîlayeta Hesekê ya li rojavaya kurdistanê agirbesta di navbera hêzên YPG’ê (Yekîneyên Parastina Gel) û çeteyên ji aliyê Tirkiyeyê ve piştgiriyê dibînin dê îro di saeta 16.00’an de bi dawî bû. Fermandariya YPG’ê ji bo ku çeteyên bi navê koma Selefî ya ku piştgiriya Guraba El Şam û El Kaîde xwe birê ve dibe, navçeyê terk bike dem dabû. Dema saetek ji bo dem bidawî bibe mabû 100 kesên endamên komên Çeteyan li biryargeha Artêşa Azadiya Sûriye ya li hemberî Mala Mamosteyan hatin cem hev û daxuyaniyek dan.
Nûnerên komên çeteyan di daxuyanî de û got wan bi kurdan re li hev kirine û gotin komeke girêdayê wan duh ji navçeyê derketiye û yên ku mane jî îro navçeyê terk dikin. Nûneran bang li endamên xwe yên din ku reviya navçeya Serêkaniyê ya Rihayê kir û got bila şûnde vegerin.

Hat gotin komên çekdar jî ji nava bajêr derketine.

TIRKIYE DÎSA KET DEWREYÊ

Di demeke ku ev geşedan çêbûn de, hate hînbûn ku Tirkiye dîsa ketiye dewreyê û hewl dide ku komên çekdar dîsa şer bikin. Li gorî agahiyên hatine bidestxistin, îro serê sibehê hinek rayedarên Tirkiyeyê dibin navê rojnamegeran de hatine Serêkaniyê û bi komên çekdar re hevdîtin pêk anîne. Hate gotin ku, di vê hevdîtinê de rayaderên tirk ji van koman xwestiye ku dîsa li dijî YPG’ê şer bikin û beramberî vê jî di serî de çek, çi bixwazin dê bidinê.

Li gorî agahiyan, komên çekdar ev daxwaz qebûl nekirine, li ser vê yekê jî Tirkiyeyê sînor girtiye û kom tehdît kiriye.

Li aliyê din ji bo guhertina kesên dîl hatine girtin, hate gotin komên çekdar beramberî dîlan çekên xwe yên hatine desteserkirin jî xwestine, lê YPG’ê qebûl nekiriye.
Li bajarê ku bêdengiyek heye, hêzên YPG’ê pozîsyona xwe diparêzin û tedbîrên xwe jî zêde kirine.

The Economîst: Tirkiye dixwaze pêşî li xweseriyê bigire

Kovara The Economîst li ser êrîşa çeteyan a li hemberî kurdan û polîtîkaya Tirkiyeyê ya li ser Sûriyeyê nûçe-şiroveyek fireh nivîsî.
The Economîstê wisa got: "Artêşa Azad a Sûriyê ku serfermendariya xwe li ser sînorê Tirkiyeyê saz kiriye, Tirkiye jî rê dide ber wan, ew bi rehetî diçin û tên, çekan dibin û tînin. Lê armanca sereke ya hikumeta Tirkiyeyê ew e ku hem rejima Sûriyê têk bibe, hem jî pêşî li xweseriya Kurdistanê ya li Sûriyeyê çêbibe bigire. Gelek serhildêrên sûrî vê fikrê bi awayekî eşkere tînin ziman."

KCD: Bila Tirkiye sînorê bigire

Her wiha Kongreya Civaka Demokratîk jî daxuyaniyeke weşand, got ku tu ferq di navbera Artêşa Azad a Sûriye (AAS)  û rejima Sûriyeyê de nîn e û ji Tirkiyeyê xwest ku sînor li ber vê çeteya çekdar a ku dxwaze erdnîgariya kurdan bike gola xwînê bigire.
KCD'ê her wiha xwest ku Tirkiye AAS'yê li nav sînorê xwe nehewîne.

KCD'ê bang li kurdan jî kir û wisa got: "Ji bo demokratîkbûna Rojhilata Navîn û destkeftiyên kurdan serdemeke dîrokî tê jiyîn. Di rewşeke wisa de yekîtiya kurdan a neteweyî zêdetir girîng e. Her wiha di serî de gelê Serêkaniyê, gelê me yê din çi dibe bila bibe divê terkê erdên xwe nekin. Hemû gelê me û hêzên demokrat jî divê xwedî li van destkeftiyan derkevin."