DiyarName.Com

Li Venezuelayê Maduro bi ser ket

Piştî mirina Chavez li Venezuellayê hilbijartin pêk hat û Nicolas Maduro bi ser ket.

Dîrok: 15/04/2013

Diyarname
Piştî mirina Chavez li Venezuellayê hilbijartin pêk hat û Nicolas Maduro bi ser ket.

Di hilbijartinên Venezuellayê de berendamê sosyalîst Nicolas Maduro, ji sedî 50.7’ê deng girtin û bi ser ket. Berendamê muxalifan jî sedî 49.1’ê deng wergirt. Hate gotin ku sedî 80'yê el beşdarî hilbijartinê bûne.

Muxalif îdîa dikin ku deng şaş hatine jimartin û ew bi ser ketine. Lê Maduro piştî hilbijaritinê diyar kir ku wî bi awayekî adil, qanûnî hilbijartin qezenc kiriye.

Serokê Venezuellayê Chavez ku meha borî wefat kiribû, berî wefatê Maduro wekî dûajoyê xwe nîşan dabû.

Maduro roja 19’ê mehê dê sond bixwe û dest bi serokatiya xwe bike. Hilbijartina piştî vê dê sala 2019'an de li dar bikeve.

Maduro li paytext Caracasê meha borî mîtîngeheke mezin bi beşdariya sedhezaran kesî lidar xistibû. Di mîtîngê de gelê Venezualayê bi kincên xwe yên sor piştgiriya dabû Maduro. Di mîtîngê de posterê Rêberê PKK'ê Abdullah Ocalan jî hatibû vekirin û Dostên Kurdan ji bo Ocalan îmze berhev kiribûn.