Diyarname

Me rûyê Diyarnameyê nû kir. Di manşetê de her roj nûçeyên nû, yên taybet, yên girîng hûn dê bikaribin bibînin. Li bin manşetê qunciknivîskar, li bin wan beşek ji çapemeniya dinyayê û dûre nûçeyên ku neketine manşetê dê bêne dîtin. 
Li bin logoyê hin beş hene, beşên ku di wir de bi cih nebûne di nav lînka "ên din" de hûn dikarin bibînin.

Di rûyê nû yê Diyarnameyê de me beşên nû jî lê kirin. 

- "2014: Hilbijartina Herêmî". 

Agahiyên nû yên li ser hilbijartinê, ne agahiyên sipekulatîf, agahiyên rast... Heta hilbijartina herêmî ya 2014'an, bi taybetî ji aliyê kurdan ve emê bişopînin û di vê beşê de emê pêşkêşî we bikin.

- Ji Çapemeniya Dinyayê

Di vê beşê de emê ji çapemeniya dinyayê nivîsên eleqedarê kurdan ji bo we wergerînin û biweşînin. Ev dibe ji çapeminya tirkan, ereban, farisan yan alman, îngilîz û hwd. be. Lê her nivîs wê bi kurdan re eleqedar be. (di vî warî de em li benda alîkariya kesên bi zimanên biyanî dizanin)

- Nivîskarên mêvan

Ji çapemeniya kurdî, nivîsên qunciknivîskaran ên li gor baweriya me baş, serketî, emê di vê beşê de ligel çavkaniya wan biweşînin. Bi gotineke din dibe haya we ji hin nivîsan nîn be, bi vê emê bikin ku haya we pê bixin. (Nivîskarên ku hûn bixwazin em balê bikişînin ser nivîsên wan hebin, em li benda pêşniyarên we ne)

- Nivîskarên me yê nû

Di serdema nû de hin qunciknivîskarên me dê ne bi me re bin. Yên ku dê qunciknivîskariya xwe di Diyarnameyê de bidomînin di rûpela yekemîn de hûn dibînin. Her wiha aliyê herî jêr ê malperê hûn navên wan jî dibînin.

Lê em vê jî bibêjin, niha û di dema pêşiya me de dê hin kesên nû beşdarî qunicknivîskarên me bibin. Yek ji wan niha hevalê me Welat Dilken e.

Welat Dilken di bihara 1975’an de, li gundê Dolê yê bi ser bajarê Semsûrê ve ji dayik bûye û li heman bajarî jiyana xwe berdewam dike. Ew 

helbestkar û nivîskar e û heta niha ev pirtûkên wî derketine: "Ken Deyndare Me Em Deyndarê Girî Ne" (Helbest 2006 Weşanên Belkî), "Sî Bi Rojê Xweşik e" (Helbest, 2009 Weşanên Lîs), "Şeva Dawî" (Roman 2011 Weşanên Lîs), "29 Kul 29 Gul" (Helbest 2012 Weşanên Ronahî), "Siya Derizî" (Helbest 2012 Weşanên Ronahî), "Neynik û Hine" (Helbest 2013 Weşanên Ronahî)

Welat Dilken dê çi binivîse, di nivîsa xwe ya nû de diyar kiriye. Em xêrhatinê li Welat Dilken dikin û hêvî dikin dê xwendevanên me ji nivîsên wî hez bikin.

- Ferheng

Beşa Ferhengê yê Diyarnameyê me nû kir. Di rojên pêş de em dê gotinên nû jî lê bikin.

- Di dîrokê de îro

Hin beşên Diyarnameyê hê temam nebûne. Yek ji wan beşan jî "Di dîrokê de îro" ye. Di rojên pêş de di vê beşê de agahiyên li ser roja em têde ne dê bêne dîtin. Her roj, emê di vê beşê de, wê rojê di dîroka kurdan de çi qewimiye biweşînin.

Diyarname ku ji 21.04.2005'an ve weşana xwe dike, ji niha û pêde jî dê bike ku xizmeta kurdî bike.