ŞIRNEX

Hevserokê Giştî yê BDP’ê Selahattîn Demirtaş li Şirnexê axivî.: “Em hemû şaredariyên Kurdistanê dixwazin."

Hevserokê giştî yê BDP’ê Selahattîn Demirtaş û Gûltan Kişanak ku di nav de hilbijartiyên BDP’ê ji bo salvegera wefata siyasetmedarê kurd Şerafettîn Elçî ku ji ber nexweşiya penceşêrê par wefat kiribû bi karwanekî ji sedan wesayîtan pêk dihat ber bi navenda Şirnexê ve ketin rê.

Piştî ku demekî dirêj li navenda bazarê geriyan, hatin pêş avahiya Rêxistina BDP’a bajêr. Li vir bi hezaran kesên ku sekinîn hevserokên giştî yên BDP’ê û hilbijartiyên BDP’ê bi diruşmên “Silav Silav ji Îmralî re hezar silav”, “Bijî Serok Apo” û “Dîsan dîsan serhildan serokê me Ocalan” qêriyan pêşwazî kirin.

Di dema axaftina Demirtaş de girseyê diruşmaya “Şirnex bi we serbilind e” bilind kir, Demirtaş bi gotina “di dîroka tekoşîna me de, di meşa azadiyê de hemû demê gelê Botanê pêşengî kiriye. Ji ber vê em bi we serbilindin” bersiv da.

Demirtaş di berdewama axaftina xwe de got, “Hemû şaredariyên Colemêrg û Botanê emê bigirin. Em diyar dikin ku em talibê hemû şaredariyên Kurdistanê ne”.