STENBO

Berkîn Elvan ê di dema bûyerên Gezî de, dema ji bo wergirtina nan ji mala xwe derket lê ji ber kapsula bombeya gazê ya polîsan li serî ket bi giranî birîndar bû, têkoşîna ji bo jiyanê piştî 269 rojan winda kir. Elvan wê sibê bê veşartin. Bi hezaran kes li Okmeydanê civiyan. Derabe hatin daxistin, ji bo nobedê kon hat vedan.

Berkîn Elvan di roja 16'ê Hezîranê de dema ji bo nan werbigire ji mala xwe derket, di encama êrîşa polîsan de kapsula gazê li serê wî ket û bi giranî birîndar bû. Elvan ê di komayê de hewl da xwe li jiyanê bigire, lê piştî 269 rojan îro xatir ji jiyanê xwest. Elvan bû kesê 8'emîn ê di bûyerên Gezî de jiyana xwe ji dest dide.

Malbat û xizmên Elman îro danê sibê li ber Nexweşxaneya Okmeydani civiyan. Dayik Gulsum Elvan ji mirina kurê xwe Serokwezîr Recep Tayyîp Erdogan berpirsyar girt. Elvan got, "Xwedê kurê min ji min nestend, Tayyîp Erdogan kurê min ji min stend."

Cenazeyê Elvan li Tipa Edlî ji bo otopsiyê tê rawestandin. Tê payîn ku cenaze sibê saet di 12:00 de piştî kombûna li Mala Cem a Okmeydani, bê veşartin.

DERABE DAKETIN

Îro danê sibê bi hezaran kes li ber Mala Cem a li Okmeydani hatin cem hev. Sekna li ber Tipa Edlî dewam dike. Li gorî nûçegîhanê ANF'ê yê li herêmê, ji bo polîs nikaribin bikevin Okmeydani ji agir bend hatiye danîn û timî dirûşmên "Belkîn Elvan namire", "Hêstrên çavên dayikan wê kujeran bifetisîne" tên qêrîn.

Dikandarên Okmeydani jî ji bo Belkîn Elvan derabeyên dikanên xwe daxistin. Hat hînbûn ku ev çalakî wê du rojan dewam bike. Ji bo nobeda bi şev jî, ji ber baranê ji niha ve kon hatiye vedan. Di tevahiya şevê de wê li taxê nobed bê girtin. BDP û HDP'yiyan destek dan çalakiya li Okmeydani. Hevserokên BDP'ê yên Rêxistina Stenbolê û nazmetên HDP'ê yên Hevserokatiya Şaredariya Beyoglûyê, li qadê ne.

Danê sibê li ber SSK a Okmeydani polîsan bi gazê dest li girseyê werdabûn. Hat ragihandin ku di dema destwerdanê de hin ji bombeyên gazê ketibûn hewşa nexweşxaneyê. Di êrîşê de welatiyekî bi navê Ramazan Apaydin ji ber guleya bombeya gazê li serê wî ket, birîndar bû. Hat diyarkirin ku rewşa Apaydin baş