Diyarname

Maçên nîvfînalê yên Lîga Ewropa ya UEFA'yê di navbera Sevilla û Valencia, Benfica û Juventusê de li dar ketin. Sevilla û Benfica derbasî fînalê bûn.

Sevilla di deqîqeya dawî de bi ser ket 

Ji bo fînala Lîga Ewropa ya UEFA'yê maçên nîvfînalê hatin lîstin. Maça yekem di navbera Sevilla û Valencia de bû. Maça yekemîn bi 2-0 li mala Sevilla bi serketin awê bi dawî bûbû. Maça duyem êvara înê li mala Valencia li Stada Mestalla hate lîstin. Valenciya xweş dest pê kir. Di deqîqeya 14'an de bi gola Feghoul bi 1-0 derket p"êş. Di deqîqeya 26'ah de Beto rewş kir 2-0 û hêviyên Valenciayê derketin lûtkeyê. Nîveka yekemîn a maçê bi vî awayî bi dawî bû. Di nîveka duyemîn de

Valencia li pêşberî temaşevan û alîgirên xwe rabûbû çargavî û Sevilla nedikarî pêşî lê bigire. Di deqîqeya 69'an de bi gola Mathieu skor bû 3-0. Deqîqe wisa çûn, tam di dema ku êdî wê li firfirokê bikeve û Valencia derbasî fînalê bibe, di deqîqe 90+4 de Sevilla got ez hê heme. li ser navê Sevilla M'bia bi serê xwe li gogê da, gol avêt û aveke sar bi ser temaşevanên il Stada Mestalla de werkir: 3-1. Bi vê encamê Sevilla tûr avêt û derbasî fînalê bû.

Benfiva bi 0-0'ê derbasî fînalê bû

Maça duyem a ji bo fînalê di navbera Benfica û Juventusê de hat lîstin. Benficaya ku par jî derketibû fînalê li mala xwe bi 2-1 Juventus têk biribû û niha li mala Juventus li dû serketinê bû.

Maç bi 0-0'ê dom kiri. Di deqîqeya 67'an de ji Benfica lîstikvan Perez qerta sor dît û ji maçê hat qewirandin. Piştî vê deqîqeyê Benfica bi 10 kesî ber xwe d a. Juventusê avantaj bi dest xistibû lê nekarî golek biavêje. Bi ser de di deqîqeya 89'an de lîstikvanên yêdek ên her du tîman rabûn hev. Lîstikvanê yêdek ê Juventusê Vucinic û yê Benfica Markovic qerta sor dîtin.

Maç bi 0-0 bi dawî bû, Benfica derbasî fînalê bû û bû reqîbê Sevilla. 

Maça fînalê ya Lîga Ewropa ya UEFA'yê êvara 14'ê gulanê saet 21.45'an de wê li Lizbonê bê lîstin.