Diyarname

Li Ewropayê lîg temam bûn û şampiyon jî diyar bûn. Ji nav tîmên welatên Ewropayê herî zêde Juventusê pûan kom kirine: 102 pûan. Herî hindik jî şampiyonê Rusyayê CSKA Moskova: 64 pûan. Li Almanyayê Bayer Munih, li Spanyayê Atletico Madrid bi 90 pûanan bû şampiyon.

Vaye şampiyonên welatên Ewropayê:

Îtalya

Li Îtalyayê îsal Juventus gihîşt armanca xwe. Juventus di encama 38 maçan de 102 pûan girt û bû şampiyon. Piştî wî Roma bi 85 pûanan encax karî rêza duyemîn bi dest bixe. Berî sal temam bibe bi çend hefteyan Juventusê jixwe şampiyoniya xwe îlan kiribû.

Îngilistan

Li Îngilistanê heta hefteya dawî heyecan dom kir. Di dawiyê de Manchester City bi 86 pûanan gihîşt armanca xwe. Liverpool bi 84 pûanan di rêza duyem, Chelsea jî bi 82 pûanan di rêza seyême de cihê xwe girt.

Spanya

Li La Lîgayê heta hefteya dawî, ne tenê hefteya dawî, heta çirkeya dawî heyecan li dar bû. Di hefteya dawî de Atletico Madrid bi 89 pûanan yekemîn, Barselona bi 87 pûanan duyemîn bû. Û di hefteya dawî de ev her du tîm dê bihata hemberî hev. Wekhevî, yanê tenê pûanek têra Atletico Madrid dikir, lê ji bo Barselonayê serketin diviya. Di nîveka yekem a maçê de Barselona gol avêt, lê di nîveka duyem de Madrîdê nîşan da ku çiqas dixwe piştî 18 salan careke din bibe şampiyon. Belê maç bi 1-1'ê bi dawî bû û Atletico Madrîd bi 90 pûanî gihîşt armanca xwe.

Barselona bi 87 pûanan di rêza duyem, Real Madrid jî bi heman pûanan di rêza sêyem de cih girt.

Almanya

Li Ewropayê îsal şampiyonê yekemîn ji Bundesligayê hat. Tîma Bayer Munih di Bundesligayê de firiya. Kesî nekarî pêşî lê bigire û ev yek bû sedema nîqaşê "Ev lîg ji bo vê tîmê hêsan e"... Belê Bayer Munih bû şampiyon lê ne di hefteyên dawî de, tam bi temamî 7 hefte berî ku lîg bi dawî bibe bû şampiyon. Bayer Munih bi 90 pûanan dawî li lîgê anî. Borussia Dortmund di rêza duyem de bi 71 pûanî, Shalke 04 jî bi 64 pûanan di rêza sêyemîn de ji bo xwe cih veqetand.

Bayer Munih ligel şampiyoniyê di fînala Kûpaya Almanyayê jî li hemberî Borussia Dortmund 2-0 bi ser ket û kûpa bir mala xwe. 

Fransa

Li Gransayê PSG (Paris St Germain) hinek rehet bû. PSG bi 89 pûanan gihîşt mirazê xwe. Monaco di 80 pûanî, Lille jî di 71 pûanî de ma.

Rusya

Li Premier Lîg a Rusyayê jî heyecan hebû. Di dawiyê de CSKA Moskova bi 64 pûanan bû şampiyon. Zenit bi pûanek jê kêmtir di rêza duyem de ma. Yê sêyemîn Lokomotif Moskova di 59 pûanan de ma. Her wiha li nav welatên Ewropayê herî hindik şampiyonê Rusyayê bi hindik pûanan bûye şampiyon.

Hollanda 

Li Hollandayê Ajaks bi 71 pûanan bû serek û tac danî serê xwe. Feyenordê duyemîn encam karî 67 pûanan bi dest bixe.

Portekîz

Li Portekîzê Benfica ku di heman demê de di Kûpaya Lîga UEFA'yê de fînal lîst lê li hemberî Sevillay bi penaltiyan têk çû bû şampiyon. Benfica bi 74 pûanan gihîşt mirazê xwe. Sporting Lizbon bi 67 pûanan bû duyemîn.

Tirkiye

Li Tirkiyeyê Fenerbahçe berî lîg bi dawî bibe bi 3 hefteyan şampiyoniya xwe ragihand. Fenerbahçe bû 19 caran dibe şampiyon. Fenerbahçe bi 74 pûanan gihîşt encamê. Li dû Galatasaray bi 65 pûanan, Beşiktaş jî bi 62 pûanan di rêza sêyemîn de cih girt.

Di Lîga Super a Spor Toto de ji şampiyoniyê wêdetir rêza duyem û sêyem ji bo çûyîna Lîga Şampiyonan (ji ber ku Fenerbahçe ji ber cezayê xwe nikare here) duyemîn û sêyemîn heta hefteya dawî di nav qayişkişanê de bûn. Her wiha ji bo UEFA Lîga Ewropayê jî sê çar tîm bi hev re di pêşbaziyê de bûn.

Di Lîga Super a Spor Toto de sê tîm ketin lîgek jêrîn PTT Lîga Yekemîn ku ew jî Kayseri, Antalya û Elezîz. Ji PTT Lîga yekemî jî Îstanbul BŞB bû şampiyon û Balikesir Spor bû duyemîn. Ev her du tîm raste rast derketin Lîga Super, 4 tîmên din bi hev re Play Off lîstin. Di encaman maçên Play Offê de Mersin bi ser ket û wekî tîma sêyemîn derket Lîga Super a Spor Totoya Tirkiyeyê.

Yewnanistan

Li Yewnanistanê Olympiakos bi 69 pûanan gihîşt armancê. Paok di 69 pûanan de ma.

Belçîka

Li Belçîkaye Standard Liege bi 67 pûanan bû yekemîn û li dû wê Club Brugge bi 63 pûanan lîg temam kir.

Hollanda

Li Hollandayê Willem II bi 79 pûanan bû şampiyon û Dordrecht bi 73 pûanan di rêza duyemîn de cih bi dest xist.

Romanya

Li Romanyayê Steaua Bucarest di dawiyê de bi 76 pûanan gihîşt armanca xwe. Astra Giugio di 69 pûanan de ma. 

*** 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.      

 ***

- Kurt Tarihi meseleya nasnameya kurdbûnê ya Bedîuzzeman digire dest