QAMİŞLO

Li xaçeriya Helko ya taxa Kornîş a bajarê Qamişlo teqînek pêk hat. Di encamê de welatiyê bi navê Ebdullah Hecî Qertemînî jiyana  xwe ji dest da.

Îro saet di 10.30’an de li xaçeriya Helko ya taxa Kornîş a bajarê Qamişlo, bombeya ku di bin tirimpêla welatiyê bi navê Ebdullah Hecî Qertemînî de hatibû bi cihkirin, teqiya. Di encamê de Qertemînî bi giranî birîndar bû û ji ber birîna xwe jiyana xwe ji dest da.

Ebdullah Hecî Qertemînî ji welatiyên bajarê Qamişlo ye, di sala 1955'an de ji dayik bûye û endamê Meclisa Gel a taxa Kornîş e.

Cenazeyê Qertemînî rakirin nexweşxaneya bajarê Qamişlo û tê payîn ku ji bo merasîmên oxirkirinê, ji wir bînin mizgefta Qaimo ya taxa Xerbî.

ANHA