Enqere

Berendamê Hevserokiya DTP'ê Mahmut Alinak, projeyên xwe di kongreyê de dubare kir. Alinak got ku "Çawa ku li Enqereyê walî bi tirkî diaxive, dê Waliye li Amedê jî bi kurdî biaxive. Li Cizîra Botanê wê qeymeqamek ku bi kurdî nizane, nemîne" û ji bo lehê Ahmet Turk ji namzetiyê vekişiya.

Alinak, bi gotinên wekî "Kurdên ku dîrok dixwaze wan tune bike, bira û xwîşkên Ugur Kaymaz ê ku bi guleyên polîsan hatiye kuştin, Apên Yahya Menekşeyê bedenê wî di binê panzeran de hatiye parçekirin. Hûn bi xêr hatin" beşdar slav kirin. Alinak ê axaftina wî bi sloganên "Şehîd namirin" hate birîn, wiha dom kir: "Belê şehîd namirin. Îro divê em stratejiyek ji bo şoreşê çêkin, ev yek bibe dema azadiyan, azadiya kurdan. Ev dem dê bibe dema mu beîteatiyên sivîl dîrokê dinvîsin. Em ê Grava Îmraliye bigirin." Li hemberî van gotinan sloganên "Bijî Serok Apo" hatin avêtin. Alinak, wiha pê de çû: "Ne Denîz Baykal, ne Tayyîp ne jî Bahçelî wê ji me re efûya giştî bînin. Em ê bi têkoşîna xwe ya siyasî efûya giştî pêk bînin. Em siyasetmedar, em ê li qadan xwe bi hev re zîncir bikin û ji gel re mertal. Em ê ji dayikan re bibin mertal. Em ê nehêlin Yehya di binê panzerê de bêne perçiqandin. Em ê bi têkoşina xwe ya demokratîk, Denîz Baykalan, Devlet Bahçeliyan û Tayyîp Erdogan ji ser kursiyên wan bînin xwarê. Em ê kurdan di dîroka cîhanê de binvîsin. Gelê Tirk, gelê fransiz, gelê ermenî, yewnan, ereb çiqas bi şeref be, em ê jî dîroka bi şeref a kurdan, di dîrokê de bidin nivîsandin. An dê pirsgirêka kurd çareser bikin, an jî dê biçin. Heya ku ew projeyek demokratîk daneynin holê, em bi destê wan nagirin. Em ê di hemû civînên xwe de bi tirkî û kurdî sirûday Enternasyonalê û Ey Reqîb bixwînin. Em ê bi modelekî xwe rêxistinê pêşî li darbeyan bigrin. Em ê ji Amedê heya Brukselê 6 mehan meş lidar bixin. Çawa ku li Enqereyê walî bi tirkî diaxive, dê Waliye li Amedê jî bi kurdî biaxive. Li Cizîra Botanê wê qeymeqamek ku bi kurdî nizane, nebe. Ji bo ku PKK pêvajoya bêçektiye bide destpêkirin, em ê piştî kongreyê bi heyetek biçin Îmrali û Kandîlê. Piştre jî bi heyetek biçin Fermandariya Giştî û wan hişyar bikin. Ger ku nedin rawestandin, divê em cîhanê bi serê wan de hilweşinin. Di dema axaftina Alinak de gelek car sloganên ji bo Rêberê PKK'ê Abdullah Ocalan hatin qêrîn.

Alinak, piştî van gotinên ku beşdaran bi çepikên xurt piştgiriyek mezin dan, aşkera kir ku ji bo Ahmet Turk biserkeve, xwe ji berendametiyê vedikişîne.

...

Kongreya DTP'ê didome. Agahiyên din tên...