Amed
Diyarbakirspor ji ber ku pereyên lîstikvanê Bosna Hersekî nedabî dê ji lîga duyem biketa, lê niha mizgîniyek hat.

Diyarbakirsporê 220 hezar EURO pereyê lîstikvanê Bosna Hersekî yê bi navê Borislev Mikiç nedabû, Mikiç serî li FIFA'yê dabû. FIFA'yê jî ji Tirkiyeyê xwestibû ku 6 pûanên Diyarbakirspor jê bibe û Diyarbakirspor jî van pereyan bide. Lê heta niha ne Diyarbakirsporê ev pereyên Mikiç dan ne jî Tirkiyeyê 6 pûanên Diyarbakirsporê jê birin. Û asta xirecirê bilind bû ku ketina Tirkiyeyê ya maçên FIFA'yê jî kete talûkeyê.
Û di kêliya dawî de ger Diyarbakirsporê ev pere nadana dê ji lîga ku têde ye (Lîga A) dê daketa lîgeke jêrîn.
Niha Serokê Klûba Diyarbakirspor Adnan Okturen mizgînî da piştgirên Diyarbakirsporê û got ku wan pere peyda kirine di nav 20 rojan de dê van pereyan bidin û bi vî awayîdê Diyarbakirspor ji lîgê nekeve. Her wiha okturen da zanîn ku cezaya daxistina 6 pûanên wan teqez e û dê 6 pûan ji pûanên wan daxînin.