Diyarname

Ji bo maçên Lîga Şampiyonan roja 28, ji bo Lîga Ewropayê jî roja 29'ê mehê pişke hatin kişandin û reqîb diyar bûn.

Komên Lîga Şampiyonan

Ji bo Lîga Şampiyonan a UEFA'yê roja 28'ê mehê pişke hatin kişandin. 32 tîm di nav koman de dê bi hev re bilîzin. Di her komê de çar tîm hene, 2 tîmên pêşîn dê derbasî çarîk fînal, 8'ên bibin sêyemîn dê di Kûpaya Ewropa de rêya xwe bidomînin û tîmên ku di rêza dawî (çaremîn) de cih bigirin dê vegerin mala xwe.

Di Lîga Şampiyonan de ji Tirkiyeyê îsal tenê Galatasaray heye. Di pişkeyê de Arsenal, Borussia Dortmund û Anderlecht bûn reqîbên Galatasaray.  Galatarasay ku kete Koma D dê maça xwe ya yekemîn roja 16'ê rezberê bi Anderlechtê de bilîze.

Vane kom û tîmên Lîga Şampiyonan:

Koma A: Atletico Madrid, Juventus, Olympiakos, Malmö

Koma B: Real Madrid, Basel, Liverpool, Ludogorets

Koma C: Benfica, Zenit, Bayer Leverkusen, Monaco

Koma D: Arsenal, Borussia Dortmund, Galatasaray, Anderlecht

Koma E: Bayern Munih, Manchester City, CSKA Moskova, Roma

Koma F: Barcelona, Paris SG, Ajaks, Apoel

Koma G: Chelsea, Schalke 04, Sporting Lizbon, Maribor

Koma H: Porto, Shaktar Donetsk, Atletico Bilbao, BATE Borisov

Di Lîga Şampiyonan de du tîmên derkevin fînalê roja 06.06.2015'an dê li Stada Olîmpiyatê ya li Berlîna Almanyayê ji bo kûpayê bi hev re bilîzin.

Komên Lîga Ewropayê

Ji bo Lîga Ewropayê jî roja 29'ê mehê pişke hatin kişandin. Ji Tirkiyeyê Beşiktaş û Trabzonspor di vê komê de îsal dê bilîzin. Reqîbên 48 tîman bi pişkeyê diyar bûn. Beşîktaş ket Koma C û reqîbên wê ji Îngilistanê  Tottenham, ji Sirbistanê Partizan û ji Yewnanistanê Asteras e.

Yê Trabzonsporê jî ji Ukrayna Metalist Kharkiv, ji Polonya Legia Varşova û ji Belçika Lokeren.

Di maçên koman de 24 tîmên ku di rêza yekem û duyem de ji komê derên û 8 tîmên ku di Lîga Şampiyonan de bibin 3'yemîn û werin vê lîgê dê bi hev re bilîzin.

Maçên pêşîn dê 18'ê meha pêşiya me bêne lîstin.

Vane kom û tîmên Lîga Ewropayê:

Koma A: Zurih, Villareal,  M.Gladbach, Apollon Limassol

Koma B: Kopenhag, C.Brugge, Torino, Helsinki

Koma C: Beşiktaş, Tottenham, Partizan, Asteras

Koma D: Salzburg, Celtic, D. Zagreb, Astra

Koma E: PSV, Panathinaikos, Estoril, D. Moskova

Koma F: Inter, Dnipro, St.Etienne, Karabag

Koma G: Sevilla, S.Liege, Feyenoord, Rijeka

Koma H: Lille, Wolsburg, Everton, Krasnodar

Koma I: Napoli, S.Prag, Young Boys, S. Bratislava

Koma J: D. Kiev, S.Bukreş, Rio Ave, Aalborg

Koma K: Fiorentina, PAOK, Guingamp, Dinamo Minsk

Koma L: M.Kharkiv, Trabzonspor, L.Varşova,Lokeren

Di Lîga Ewropayê de du tîmên derkevin fînalê roja 27'ê gulana 2015'an de li paytexta Polonya Varşovayê ji bo kûpayê bi hev re bilîzin.