Diyarname

Koma alîgirên tîma Beşîktaşê ya muxalif "Çarşi" li ser Kobanî di twittera xwe ya fermî de du peyam weşand.

"Çarşî" di peyama xwe ya yekemîn dewisa got: "Dibe ku hêza me ya em pêşî li bêedaletî bigirin tune be, lê dema ku emê li hemberî bêedaletî bêdeng bimînin dê qet tune be." Û di peyama duyemîn de jî gotina "'Di şerekî de tenê mirov namirin, mirovahî jî dimire'. Bêdengî alîgirtin e, yê me aliyê me mirovahî ye."

Koma Çarşi di nav alîgirên tîma Beşîktaşa Stenbolê de tîma herî muxalif û herî birêxistin e. Çarşi di gelek bûyerên civakî de jî peyaman dide, yan alîkariyê dike. Di dema erdheja Wanê de jî di deqîqeya 65'an de (ku plakaya Wanê ye) berstûk, kum û kincên ser xwe derxistibûn avêtibûn nav sehayê, hem bi awayekî tazî kiribûn ku erdhejê hîs bikin, hem jî ew kinc, berstûk û kum ji bo Wanê şandibûn.