.jpg)
Ew ên ku gotine: "Gihaya hewşê tahl e!";
Ew ên ku gotine: "Ji xelkê re mişk e, ji xwe re dûpişk e!";
Ew ên ku gotine: "Ji xelkê re masîgir e, ji xwe re kûsîgir e!";
Ew ên ku gotine: "Mirîşka me ji xelkê re hêkan dike, ji me re zelqê dike!", ne tot û bêaqil bûne; kurd bûne, bi reftar û refleks, bi xuy û xisletên karakterîstîk ên civaka xwe zanibûne, têra xwe xwenas, pêşbîn û feylezofên gelê xwe bûne..
Îcar..ez ê hîç gotinê averê nekim û nelebikînim.
Min qest ji van gotin/metaforan li jor ev e kurt û bi kurmancî (û hem jî bi tirkmancî!):
Eger H.Kovan Baqî "İspanyolcanın son zamanlardaki en iyi yirmi yazarından biri..Şilili genç yazar, ALEJANDRO ZAMBRA" bûya (qesta min li vir ne ZAMBRA ye!);
Eger H.Kovan Baqî "Çıtası yükselen Türkçe öykünün genç kuşak yazarlardan PELİN BUZLUK" bûya (qest li vir ne PELİN BUZLUK e!);
Eger H.Kovan Baqî "Türkçe'nin Yeni Kuşak yazarlarından, bir Kürt köylü ailesinin ikinci çocuğu olarak dünyaya gelen YAVUZ EKİNCİ" bûya (li vir qest ne YAVUZ EKİNCİ ye!);
min ê wê hingê kurd bidîtina, bê çilo wekî erebên çav li gulûran dikevin, xwe deverû û çarlepkî biavêtana ser!
Îcar mala Felekê neava..ku Kovan kurd e!
Ji lew..em dibînin bê kurd çawa xwe diavêjin ser TUNA KİREMİTÇİ yê tirk ku tenê fantaziyên xwe yên kufnikî û erzan, bi buhayekî nebîna difroşe "xwende"yên "bi esil kurd!"
Lêê îcar.. mala Felekê li mîratan bigere.. ku Kovan ne "bi esil kurd", lê "Kurdê Reş î Bêminet" bi xwe ye..
Û haa, vê jî jibîr nekim;
H.Kovan Baqî "sax e ne mirî!" ye -eger wateyeke vê yekê hebe!..
Û helbet..ligel Kovan çend navên dîtir jî hene, ku bi nav û berhem mohra qelbê yeqîn in!
.jpg)
.jpg)
.jpg)
.jpg)
