Cîhan Roj

Cîhana sanal jî bi awayekî dişibe jiyana rastîn, her tiştî vedihewîne; li hêlekê dibe sedem da takekes bêhtir bi tenê bimîne, têkilî li takekes qut bibin, wî/ê ber bi valahî û cîhanên derewîn ve bifetisîne ji alî din ve jî kana derfetan e.
Carê nameyek elektronîkî ji nasekî min re hatibû. Nasê min ew nameya bi tirkî ji min re xwend. Bi wate bû. Kerem bikin nameyê bixwînin.
“Qertel dirinde ne. Bask û teriya wan fireh in. Hêtên wan bi pûrt in. Di nav du sê salan de balix dibin. Di firînê de bi piranî bi fetlê re bilind dibin. Li daristan û çiyayan dijîn. Hêlînên xwe li qelîştekên zinaran û li ser daran çêdikin. Qertel bi yekhevalî dijîn. Di temenê xwe de tu car heval naguherin. Her sal heman hêlînê bikartînin. Hêlînên wan li ciyên asê ne.
Di nav cûreyên çûkan de herî zêde qertel temeneke dirêj dijîn. Hin qertel heftê sal dijîn. Lê belê ji bo bigihîjin vî temenî di çil saliya emrê xwe de gere biryarek zor û cidî bigirin. Piştî dibin çil salî pencik li wan hişk dibin. Lewre nikarin bi rehetî nêçîrên xwe zeft bikin. Nikil lê dirêj dibin û bi ser sîngê wan de xilexar dibe. Bask lê giran dibin. Pûrt lê qert û stûr dibe. Êdî firîn pê dijwar tê. Qertel gere êdî ji du riyan riyekê bibijêre; yan mirin yan jî qonaxa ji nû ve zayînê ya zor û bi zehmet.
Qonaxa ji nû ve zayînê bi qasî sed û pêncî royî dom dike. Ger biryar ji nû ve zayîn be, qertel ber bi lûtkeya çiyayekî ve fir dide, li wir, li pala dîwarê zinarekî, ciyek ku ne hewceyê firînê be peyde dike û nikilan bi berdewamî bi awayek sert li zinar dide. Dawiya dawîn nikil dikevin. Qertel demekê dimîne li benda nikilên nû. Piştî nikilên nû şîn tên bi wan nikilên nû pencikan ji laşê xwe dike. Piştî pencikên nû şîn tên qertel bi pencikên nû pûrta xwe ya qert dirûçikîne. Pênc meh wext diqede. Qertel bîst sal bidestxistiye êdî. Ji bo firîna nû amadeye.
Di jiyana însan de jî ji bo firîna serkeftinê bê dom kirin gere em xwe ji xwî û elimînên kevnare bikin. Elimînên ku êş didin me.Piştî em ji sifreya rabirdûyê ya bêkêr rizgar bibin, emê sûd ji cerib û encamê ji nû ve zayînê werbigirin.
Carna biryarên me bi êş bin jî îhtîmal e ku mizgîna ji nû ve zayînê bidin.”

cihanacirokan@hotmail.com