AMED
3 pirtûkên bi kurdî jî di nav de dozgeriyê der barê 10 pirtûkên Aramê de lêpirsîn da dest pê kirin. Dozgeriyê bi îdîaya "Bi riya çapemeniyê propagandaya rêxistinê kirine" der barê pirtûkan de lêpirsîn da dest pê kirin.

Di nav pirtûkên bi kurdî ku rastî lêpirsînê hatine de pirtûka Porhat Felat "Roj Çû Ava Dereng e", pirtûka Mehmet Emîn Yildirim "Mazlumê Me' û pirtûka Şerefxan Cîzîri "Edebîyata devkî û Sosyalîzasyon", heye. Her wiha pirtûkên Musa Anter yên bi navê "Vakkaî Name" û "Gundem Yazilari" jî di nav van pirtûkên rastî lêpirsînê hatine de ne.

Serokwezîrê Tirkiyeyê Recep Tayyîp Erdogan di 3'yê rezbera 2010'an de di mîtînga li Amedê de têkildarî Musa Anter de wiha gotibû: "Em êşa Apê Mûsa yanî Musa Anter ji bîrnakin" lê pirtûkên Musa Anter ku heta niha ji aliyê gelek weşanxaneyan ve hatine weşandin, rastî lêpirsînê hatine.
Pirtûkên din ku dozgerî li hemberî wan lêpirsîn daye dest pê kirin ev in:
- Îrfan Welat "5 Nolu Cezaevî"
- Sînan Şahîn "Kîmîn Îslami"
- Demîr Çelîk "Ozgurlugunde Kaldi Gozlerîm"
- Rojbîn Perîşan "Gozyaşimin Agidiydi Senî Beklemek"
- "Dortlerîn Gecesî" sûc hate tesbîtkirin.

Kordînatorê Giştî yên Weşanên Aramê Mehmet Emîn Teymûr çû Adliyeya Amedê der barê pirtûkan de îfade da.