Diyarname

Tirkiye jî di nav de li Ewropayê tîmên ku bûn şampiyon diyar bûn. Vane ew tîm:

Spanya

Li Spanyayê îsal jî Barselona bû şampiyon. Barselona di encama 38 maçan de 94 pûan bi dest xist. Reqîbê wê yê mezin Real Madrid bi 92 pûanan bû duyemîn.

Îngilistan

Li Îngilistanê Chelsea çend hefte berê şampiyoniya xwe ragihandibû. Chelsea bi 87 pûanan sal temam kir. Manchester City bi 79 pûanan bû duyem, Arsenal jî gihîşt 75 pûanan.

Almanya

Li Almanyayê berî lîg temam bibe bi 4 hefteyan Bayer Munihê şampiyoniya xwe ragihandibû. B.Munih di dawiya lîgê de bi 79 pûanan bû yekemîn û Wolfsburt bi 69 pûanan di rêza duyemîn de cih girt.

Îtalya

Li Îtalyayê jî çend hefte berê şampiyon diyar bûbû: Juventus. Li Îtalyayê 31'ê vê mehê lîg temam dibe. Juventusê ku şampiyonî bi dest xistiye niha xwedî 86 pûanan e û piştî wê Roma bi 70 pûanan tê.

Fransa

Li Fransayê jî lîg temam bû. Paris St Germain bi 85 pûanan bû şampiyon.Lyonî bi 75 pûanan di rêza duyemîn de lîg temam kir.

Tirkiye

Li Tirkiyeyê hefteyek maye ku lîg temam bibe. Galatasaray roja 24'ê mehê Beşîktaş bi 2-0 têk biribû û li benda maça Fenerbahçeyê ku îro dê bi Başakşehîrê re bilîsta. Di navbeda her du tîman de 3 pûan ferq hebûn. Fenerbahçe ji ber 2-2 wek hev maç temam kir, ferqa di navbera her du tîman de derket 5'an û berî lîg temam bibe Galatasaray şampiyoniya xwe bi 76 pûanan ragihand. Fenerbahçe niha di 71 pûanan, Beşîktaş jî bi 66 pûanan di rêza sêyemîn de ye.

Di Spor Toto Super Lîga Tirkiyeyê de Karabuk, Balikesir û Erciyes têk çûn û ketin lîgek jêrtir PTT Lîga 1'emîn.