Diyarname
Weşanên Everestê îsal jî pêşbaziya "Romana Yekem" da dest pê kirin.

Weşanên Everestê bi tirkî ev çend sal in pêşbaziya "Romana Yekem" li dar dixe, îsal jî da dest pê kirin. Li gor daxuyaniya ku ji weşanxaneyê hate pêşkêş kirin, berhemên ku ji bo pêşbaziyê bêne şandin divê berê beşdarî pêşbaziyeke din nebûbin. Roja dawî ya beşdariya pêşbaziyê 29'ê gulana 2009'an e, encam dê rezbera 2009'an de bê eşkerekirin, pirtûk di meha kewçêrê de bê weşandin û xelat jî bê dayîn. Xelata îsal a Romana Yekem 3 hezar TL ye.
Li gor daxuyaniyê jurî jî ji van kesan pêk tê: Muge Îplikçi, Semih Gumuş, Erendiz Atasu, Înci Aral û Cemil Kavukçu.
Par qet dosyayeke layiqê xelata "Romana Yekem" nehatibû dîtin, pêrar kurdek bi navê Muhammed Munis bi dosyaya xwe ya bi tirkî "Uzak Hayat" (Jiyana Dûr) bûbû yekemîn.