iyarname

Li Tirkiyeyê ji bo bi dawî bûna lîgan hindik mane. Hêdî hêdî şampiyon jî diyar dibin. Di Lîga 1'emîn a PTT'ê de Adanaspor li Endabê tîma Gaziantep BŞ Belediye spor bi 2-3 têk bir, pûanên xwe derxistin 62'yan û bû şampiyon. Adana spor sala bê di Lîga Yekemîn a Super Totoyê de bilîze.

Di vê lîgê de hê 3 hefte mane lîg bi dawî bibe, di reza duyemîn de Kardemir Karabuk (55 pûan), rêza sêyem de Multigroup Alanya (54 pûan) û rêza çarem de Adana Demirspor (50) heye. Di dawiya lîgê de ji van sê tîman dê du tîmên din derkevin Lîga Super.

Adana spor di sala 1954'an de hatiye avakirin û gelek caran derketiye Lîga Super. Niha piştî 12 salan careke din derdikeve Lîga Super.

Lîgên jêrîn

Di lîgên jêrîn de jî şampiyon hene. Di Lîga 2'yemîn Koma Spî de Umraniye spor berî lîg bi dawî bibe bi hefteyek bû şampiyon û sala bê dê di Lîga PTT'ê de bilîze. Di Koma Sor a heman lîgê de jî hefteyek maye, Manisa bi 63 pûanan yekemîn, Kocaeli bi 61 pûanan duyemîn e. Manisa di maça dawî de tenê pûanek jî bigire dê derbasî lîga jortir bibe.

Di lîgek jêrtir Lîga 3'yemîn Koma 1'emîn de BB Erzerom (hê hefteyek maye) bû şampiyon û derbasî Lîga 2'yemîn bû. Di heman lîgê Koma 2'yemîn de Etimesgut, di Koma 3'yemîn de Kastamonu bû şampiyon û her du tîm jî sala bê dê di Lîga 2'yemîn de bilîzin.