Diyarname

Derhênerê navdar Emir Kusturica li ser Serokdewletê berê yê Urugay Mujica ku wekî dostê 'feqîran' tê nasîn belgefîlmekî kişand.

Derhêner sirp Kusturica belgefîlmê xwe yê ku li ser jiyana Jose Mujica kişandiye temam kir. Derhêner Kusturica ev proje wekî "asta bilind a hezkirina ji çepê Amîrekaya Latîn" bi nav kir û got: "Di ciwaniya xwe de ez heyranê Che Guevara û Fîdel Carstro bûm û di bin bandora wan de min ji xwe re dinyayek aîdê xwe saz kir. Ji ber ku siûda min ku ez ligel Che û Fîdel bixebitim nebû, çawa ev sedokdewletê hê traktorê bikar tîne, mala xwe tamîr dike min dît, min got 'vaye zilamê min ev e'. Ez kêfxweş bûm ku ji ber vê fikra xwe ez xeyalşikestî nebûm."

Belgefîlm ji arşîva dîmenên dema Serokdewletiya Mujica û ji hevpeyvînan pêk tê. Derhêner îsal dê montaja belgefîlm temam bike û payîzê bişîne Festîvala Fîlman a Venedîkê.

Mujica di ciwaniya xwe de di nav rêxistina çepgirên radîkal Tuparamo de bû, di nav rêxistinên de hin çalakî pêk anî, piştî derbeya leşkerî 15 salan di hepsê de girtî ma. Mujica di vê demê de gelek îşkence jî dît, dema efû derket ew jî hat berdan û ket nav siyasetê. Mujica di navbera salên 2010-2015'an de Serokdewletiya Urugay kir.

Mujica di dema serokdewletiya xwe de sedî 90'ê meaşê xwe diyarî kir. Ew hê jî ligel jiyan xwe jiyaneke mutewazî didomîne.

Derhêner Emir Kusturica ku belgefîlm kişandiye, heta niha îmzeya xwe avêtiye bin gelek fîlmên serketî û her wiha bi fîlmên xwe du caran Xelata Palmiyeya Zêrîn (Sal 1985: "When Father Was Away on Business", Sal 1995: "The Underground") girt.