Diyarname

Teknîk Dîrektor Claudio Ranieri par Premier Lîg de dîrok nişt û rey joyîn tîmê Leicester City kerd şampiyon. Ew Claudio enka hame qewernayişî.

Îngilistan Premier Lîg de verî qet tîmê Leicester City nêbîbî şampiyon, par Teknîk Dîrektor Claudio Ranieri ew kerd şampiyon, la City enka ew qewerna. Sere ene mesela de Ranieri daxuyanike niştî kerde vila û vat: "Vizêrî xeyalê min merd. Par dimay şampiyoniyê Premier Lîg xeyalê min ew bî ke ez her klûbêke tera hez kena de bî. La mixabin nêbî."

Claudio Ranieri ê îtalî sipasî malbatey xo, klûbe, xebatkaranê ay, çapemenî jor bi jor sipasî kerd û  vat: "Şima sere de ez hembêz kerda, şima hezkerdişê xo mot ra min. Çî ma têdir girotî dest jo nêşkeno mara bigîro. Ez hêvî kena şima go her roj enî çiyan bifikirê û bihewê. Ezo ana bikerî. Mimkûn niyo merdim demêke aneyîn ê mikemel û xweş bikero xo vîra. Şampiyonî ke ma têdir girot qey mi rûmet o."

Leicester City maça peyîne ya Lîgey Şampiyonan de Sevilla dir kay kerd û 2-1 kerd vinî, dimay na joy rêveberî teknîk dîrektor qewerna.

Leicester City par 10 pûanî vernîde bî şampiyon la emsar rewşê cay xirab o. Enka di rêzey 17'inan de wa û îhtîmal o lîg ra biko.