Diyarname

Festîvala Fîlman a Enqereyê îsal di navbera 20-30'yê mehê de lidar dikeve û di festîvalê de çend fîlmên derhênerên kurd jî hene.

Festîvala Fîlman a Enqereyê îsal 28'emîn car roja 20'ê mehê deriyên xwe vedike. Di merasima veikirinê de Xelata Kedê ya Azîz Nesîn dê bidin Îzzet Gunay, Xelata Çinarê Hunerê dê bidin Ahmet Say û Xelata Ragihandina Girseyê jî dê bidin Sendîkaya Lîstikvanan. Îsal festîval li sê cîhan li Kizilay Buyulu Fener, Çagdaş Sanarlar Merkezî û Enstîtuya Goethe fîlman nîşan dide.

Fîlmên metrajdirêj, belgefîlm û kurtefîlm di nav de li dor 400 berhem dê derkevin pêşberî temaşevanan.

Fîlmên derhênerên navdar, yê Michelangelo Andonioni "Rêwî", yê Ingmar Bergman "Kenên Şeva Havînekê", "Dîmenên Li dû" yên Andrzej Wajda jî di nav de gelek fîlmên biyanî jî hene.

Îsal di çarçoveya pêşbaziya kurtefîlman de yekemîn car bi mijara "Mafên Jinan Mafên Mirovan e" dê kurtefîlm bêne nirxandin û xelatkirin.

Ji derhênerên kurd ên xwediyê fîlmên metrajdirêj Kazim Oz bi fîlmê xwe yê nû "Zer", Tayfur Aydin bi "Qijika Reş", Ali Kemal Çinar bi "Gênco" beşdarî festîvalê beşa pêşbaziya neteweyî dibin. Di nav kurtefîlman de jî kurtefîlmên derhênerên kurd hene.

Vane fîlmên Paşbaziya Neteweyî:

‘Album’, (Mehmet Can Mertoglu)

‘Babamin Kanatlari’, (Kivanç Sezer)

‘Genco’, (Ali Kemal Çinar)

‘Kaygi’, (Ceylan Ozgun Ozçelik)

‘Koca Dunya’, (Reha Erdem)

‘Marti’, (Erkan Tunç)

‘Ruzgârda Salinan Nilufer’, (Seren Yuce)

‘Ruya’, (Derviş Zaim)

‘Qijika Reş’, (Tayfur Aydın)

‘Taş’, (Orhan Eskikoy)

‘Zer’, (Kazim Oz)

Ji bo agahiyên zêdetir:

http://www.filmfestankara.org.tr/tr/