Diyarname

Vê hefteyê tam 9 fîlm bi hev re ketin vîzyonê: The Descent: Part 2, Eastern Plays, The Rebound, En Mutlu Olduğum Yer, Son İstasyon, Bal, Beş Şehir, Rina, Old Dogs

Niha jixwe Festîvala Fîlman a Navneteweyî ya Stenbolê li dar e. Lê bi ser de vê hefteyê vîzyon wekî festîvalê ye: Bi temamî 5 jê ji Tirkiyeyê 4 biyanî, 9 fîlm ketin vîzyonê.

Bal - Hungiv

Derhêner: Semih Kaplanoglu
Lîstikvan: Bora Altaş, Erdal Beşikçioglu, Tulin Ozen

Bavê Yusufê li dibistana seretayî li nav daristanê bi mêşvaniyê re eleqedar dibe. Yusuf her car bi bavê xwe Yakup re diçe nav daristanê lê ew der ji bo wî dibe ciheke razber. Yakup li dû mêşên Kafkas diçe daristaneke dûr. Roj derbas dibin lê Yakup nayê. Li mal jina wî Zehra û kurê wî Yusuf di nav meraqan de ne. Di dawiyê de dikevin dû Yakup, lê li şahiyên Çiyayê Bimij de jî wî nabînin. Yusuf ku ji bo bavê xwe bibîne ketine nav kûrahiya daristanê, gelo wê bavê xwe bibîne?
Derhêner Kaplanoglu pêşî "Yumurta (Hêk)", dûre "Sut (Şîr)" û niha jî "Bal (Hungiv)" pêşkêşî temaşevanên xwe kir û bi vî awayî rêzeya sê fîlmên xwe temam kir. Kaplanoglu ku bi her du fîlmên xwe gelek xelat girtibû bi "Bal" jî yekem xelata xwe li Festîvala Fîlman a Berlînê de xelata mezin Şêrê Zêrîn girt ku ev yek hem li Tirkiyeyê hem jî li qada navneteweyî de serketineke mezin bû.

***

Cehenneme 2 Adım - Ji bo dojehê 2 gav -The Descent: Part 2

Derhêner: Jon Harris
Lîstikvan: Michael J. Reynolds, Shauna Macdonald, Jessika Williams, Douglas Hodge’

Saraha ku li şikefta Appalachian dijî û ji talûkeyê xelas bûye, lê wisa di astekê de ye ku nizane çawa qal bike ku çawa xwîna hevalên wê li erdê ye. Ji ber ku Sarah tekane kes e haya wê ji tiştên li hundir çêbûne heye, mecbûr dimîne ku careke din vegere nav wê şikefta tirsnak. Di dema ketine şikeftê de rayedar pê ewle nabin û ev yek zêdetir ji bo Sarahê zehmetiyê tîne.

***

Şark Oyunlari - Lîstikvanên Şerqê - Eastern Plays

Derhêner: Kamen Kalev
Lîstikvan: Christo Christov, Saadet Işil Aksoy, Hatice Aslan, Ovanes Torosian

Qedera ji hev veqetiyayî ya du birayan di êrîşeke nijadperestî de digihîje hev. Georgi nû beşdarî komeke Nazî bûye û beşdarî yek ji êrîşan bûye. Kekê wî Itso malbata tirk ku bi êrîşê re rû bi rû maye rizgar dike. Li bendê ne ku Georgî beşdarî êrîşên mezintir bibe lê ew rewşa xwe ya niha digire bin lêpirsînê.

***

Aşkin Yaşi Yok - Temenê Eşqê nîn e - The Rebound

Derhêner: Bart Freundlich
Lîstikvan: Catherine Zeta Jones, Justin Bartha, Saadet Işil Aksoy, Steve Antonucci

Sandy, nû pêl li temenê 40'î kiriye diya du zarokan e û jineke xweşik e. Di warê çêkirina paste, amadekirina sandiwîc, birina zarokan a dibistanê, yanê karkirina çend karan bi hev re de pispor e. Dema hîn dibe ku mêrê wê bi jineke din re radizê ji bo dest bi jiyaneke nû bike mal bar dike New Yorkê. Li wê derê bi Aram Finkelsteinê 24 salî yê nû zanîngeh xilas kiriye re hev dinase. Fîlm çîroka wan pêşkêş dike

***

En Mutlu Olduğum Yer - Cihê ez herî zêde lê dilşad im

Derhêner: Kagan Erturan
Lîstikvan: Ezgi Asaroglu, Nihat Altinkaya, Sivga Erez, Hakan Vardar

Kemal û Elif digel ku temenê wan 25'an derbas kiriye jî biryar nedane ku di jiyanê de wê çi bikin. Di şahiyeke ofîsekê ya havîna germ de ew rastî hev tên. Ew tesîrê li hev dikin. Elif qala gundê li qeraxa deryayê ya zarokatiya xwe dike û her du bi hev re dikevin rê.

***

Son İstasyon - Stasyona Dawî

Derhêner: Ogulcan Kirca
Lîstikvan: Levent Kirca, Başak Daşman, Korel Cezayirli, Suna Selen

Ruhi li taşrayê li stasyoneke memûr e û ji bo teqawitbûna wî hindik roj mane. Xeyala wî ya mezin bi pereyên ji teqawitbûnê bigire ji xwe re maleke bikire û dema xwe ya dawiya jiyana xwe li nav hizûrê de derbas bike. Lê yê keça wî Esra û kurê wî Onder xeyalên wan ên baştir ên ji bo jiyanê hene. Ev xeyala wan hemû malbatê tîne Stenbolê. Dema ku Ruhî tevî jian xwe û diya xwe tê Stenbolê her tişt ji bin qontrolê derdikeve..

***

Beş Şehir - Pênc Bajar

Derhêner: Onur Unlu
Lîstikvan: Bulent Emin Yarar, Şebnem Sonmez, Beste Bereket, Tansu Biçer

Aydin polîsekî ye ku tayîna wî derketiye Stenbolê. Ew dike ku hînê bajêr dibe, lê dema li Beyogluyê diçe dikana şekirfiroşekî rastî Mehtabê tê; dil ber didê. Lê çi bike jî nikare bala wê bikişîne. Xwendekarê berê yê hiqûqê Şevket ku pêlîstokên trên difroşe ku ew jî dike bala Dileka ku li heman dikanê dixebite bikişîne lê ew jî nikare. Tam van deman Aydin derdikeve pêşberî Dilekê û daxwaza xwe bera Dilekê dide.

***

Rina

Derhêner: Şenol Sonmez
Lîstikvan: Paşhan Yilmazel, Eray Turk, Çaglar Çorumlu, Merve Sevi

Di fîlm de li ser tiştên em dijîn yên ji bo ku em pê bigihîjin xeyalên xwe digire bin lêpirsînekê. Di jiyanê de hûn dikarin bibin xwedî gelek tiştên bi madî dikarin bêne girtin lê dema mirov li dawiyê dinêre mirov jiyaneke qirase li dû xwe hiştiye û xeyalên mirov nehatine cih. Rina li ser van yekan .e

***

İki Babalik - Old Dogs

Derhêner: Walt Becker
Lîsitkvan: Matt Dillon, Robin Williams, John Travolta, Kelly Preston

Fîlmê bi navê "Old Dogs" li Tirkiyeyê bi navê "İki Babalik" katiye vîzyonê. Bavekî, piştî ji hev veqetina bi jina xwe re berpirsiyariya du zarokên cêwî yên 6 salî dikeve ser milê wî; ew tevî hevalê xwe yê belawela tevî zarokan ji bo du hefteyan diçin kampeke havînî ya betlaneyê. Rêveberê kampê Barry dibeje qey her du kesên hatine kampê hezkiriyê hev in û ew cêwî jî wekî zarokên weled girtine cem xwe. Ji ber vê yekê jî çavên wî her li ser wan in.