Diyarname

Enstîtuya Goethe navê sê kesên ku îsal dê Madalyaya Goethe bide wan eşkere kir. Li gor daxuyaniya ku hatiye dayîn ji Tirkiyeyê Dogan Akhanli, ji Îranê Şîrîn Neşat û ji Moxolistanê Enkhbat Roozon bi madalyayê dê bêne xelatkirin. 

Komîteya xelatê diyar kir ku îsal mijara bingehîn "Helbest û Rastî" e û ev yek di heman demê de nîşaneya rastî, lêkolîna bi kûrahî û fikra bi hûrbînî ye. Komîneyê navê sê kesan diyar kir.

Dogan Akhanli

Yek ji wan ji Tirkiyeyê Dogan Akhanli ye. Komîteyê diyar kir ku Akhanli di roman û şanoyên xwe de şîdeta li dîrokê û çanda bibîranînê, mafên mirovan ku nikare bê parçekirin girtiye dest. Her wiha komîteyê got ku Akhanli diyaloga di navbera gelan de, bi taybetî ked ji bo diyaloga di navbera ermen, tirk û kurdan de daye.

Akhanli ku hemwelatiyê Almanyayê ye di sala 1957'an de li Şavşata Artvînê hatiye dinê. Tirkiyeyê der barê wî de "bultena sor" amade kiriye, ji ber vê yekê di 19'ê gelawêja 2017'an de deba çûbû Spanyayê li wir hatibû binçavkirin û berî wî teslîmê Tirkiyeyê bikin Almanya ketibû nava tevgerê û bi vê yekê karîbû vegere Almanyayê.

Şîrîn Neşat

Hunermenda îranî Şîrîn Neşat ji Îranê reviya ye û li New Yorkê dijî. Ew bi xebatên xwe yên li ser fîlm, vîdeo û wêneyê tê nasîn. Di berhemênr xwe de Misilmantî û Rojava, femînenî û maskulenî, jiyana kamû û jiyana taybet, serdema antîk û serdema modern, bi vî awayî li ser du aliyan disekine.

Enkhbat Roozon

Enkhbat Roozon weşangerekî moxol e. Ew di heman demê de kesekî polîtîk e û di gotar û gotûbêjên xwe de rexneyê li pergalan, bi taybetî pergala perwerdehiya Moxolistanê dike ku dixwaze ew modern bibe. Dîsa dixwaze saziyên sivîl jî pêş bikevin. Wî, di sala 2000'î de Weşanxaneya Monsudar, di sala 2005'an de jî pirtûkxaneya Indernom vekir. Monsudar niha yek ji weşanxaneyên navdar ê Moxolistanê ye. Internom jî yek ji mezintirîn pirtûkfiroşê li welêt e. Ew ji sala 2017'an ve endamê "Konseya Perwerdehî" ya Ofîsa Serokomariya Moxolistanê ye.

Dîroka xelatê

Xelatê didin kesên keda wan ji bo parastina zimanê almanî û ji bo guherîna çanda navneteweyî heye. Xelat roja 28'ê gelawêjê ku rojbûna Johann Wolfgang Goethe ye tê dayîn. Wê roja li Qesra Bajêr a Weimar dê bi merasimek xelat bê belavkirin. Ji sala 1955'an ve ev xelat tê dayîn.

****

REKLAM:

www.bizebiletal.com