Diyarname

Maça din a nîv fînalê îşev di navbera Hollanda û Swêdê de hat lîstin. Hollanda bi ser ket û bû reqîbê DYA'yê.

Maça di navbera Hollanda û Swêdê de li Stada des Lumieres li gor saeta Tirkiyeyê saet 22'yan de dest pê kir. 90 deqîqeyên maçê bi heyecan derbas bûn lê her du tîman jî xeta nekir, her duyan jî nekarî golek biavêje. Maç derbasî dema zêdek bû. Di beşa yekem a dema zêdek de Hollanda derket pêş û di deqîqeya 99'an de golek avêt. Lîstikvana hollandî Jackie Groenen ji derveyî qada pêş sehayê xweş li gogê da û tiştê ku qeleparêzê Swêdê bike tune bû: 1-0. Di nîveka duyemîn de jî encam neguherî û bi vê yekê Hollanda derket fînalê bû reqîbê DYA'yê.

Swêd ku têk çû di maça sêyemînî de dê ligel Îngilistanê ji bo sêyemînî bilîze.

Di Kûpaya Cîhanê ya Jinan de tîma neteweyî ya Hollanda yekem car derkeve fînalê. Teknîk dîrektora wan Sarina Wiegman di vê de xwedî parek mezin e. Wiegmen di sala 2018'an de ji aliyê FIFA'yê ve wekî Teknîk Dîrektora Jin a Herî Serketî ya Salê hatibû hilbijartin û niha wê serketinek din li dîroka teknîk dîrektoriya xwe kir.

Swêd ku di warê fûtbola jinan de xwedî dîrokek dû dirêj e nekarî derbasî fînalê bibe. Swêd bû sê caran di maçan de 90 deqîqe wekî hev temam dike û dema dirêj de her têk diçe.

Di Kûpaya Cîhanê ya Jinan de du maç man: 6'ê mehê Îngilistan û Swêd dê ji bo 3'yemînî bilîzin. DYA û Hollanda jî di fînalê de ji bo kûpayê dê bilîzin ku ev maç 7'e mehê ye. Her du maç jî li gor saeta Tirkiyeyê saet 18'an de dê bêne lîstin.

Li Tirkiyeyê TRT Spor yekser maçê pêşkêş dike.