SILÊMANÎ
Heyeta BDP’ê û KCD’ê li Silêmaniyê ji aliyê Serokomarê Iraqê Celal Talabanî ve hat pêşwazîkirin. Heyet piştî pêşwazîkirinê bi Telebanî re civiya. Civîn saet 13.00'an de dest pê kir û 2 saetar berdewam kir.

Heyeta BDP û KCD'ê ya di bin seroktiya hevserok Ahmet Turk de ji hevseroka KCD'ê Aysel Tugluk, Serokê koma BDP'ê Bengî Yildiz, parlementerê Mûşê Sirri Sakik, nûnerê Hewlêrê Rûşen Mahmutoglu û nivîskar Altan Tan pêk tê, li Silêmanîyê ji aliyê Serokomarê Iraqê Celal Talabanî ve hat pêşwazîkirin. Piştî pêşwazîkirinê li hev civiyan. Di civînê de, ji YNK’ê Omer Fetah, Îmad Ehmed, Necmedîn Kerîm, Qadir Hemecan, Behroz Gelalî û Mehmûd Hacî Salih jî amade bûn.

Hate gotin ku di civînê de çareseriya pirsgirêka kurd, biryara bêçalakiya KCK’ê û konferansa netewî ya kurdan ku dixwazin saz bikin hat nîqaşkirin.

Hate ragihandin ku piştî hevdîtina her du aliyan tu daxuyanî nehatine dayîn.

Tê hêvîkirin ku wê heyeta BDP-KCD'ê sibê (06.09.2010) derbasî Hewlêrê bibe û li wê derê bi Cîgirê Serokê PDK'ê Nêçîrvan Barzanî re hevdîtinê pêk bînin.