DiyarName.Com

Evîn tişteke wisa ye

Belgefîlmê derhêner L. Charbonnier ê bi navê ‘Les Animaux Amoureux’ li Tirkiyeyê bi navê “Aşiklar (Evîndar) ket vîzyonê.

Cemil Oguz

Belgefîlmê derhêner Laurent Charbonnier ê bi navê ‘Les Animaux Amoureux’ li Tirkiyeyê bi navê “Aşiklar (Evîndar) ket vîzyonê.

Dema evîn bê gotin hezkirina jin û merek, keç û kurek a ji hev tê bîra we ne? Dema ew ji hev hez bikin kî dikare bikeve pêşiya wan ne? Û her fîlmekî ku li ser evînê be li ser van tê kişandin ne? Ev rastiyeke bi gelemperî ye... Lê ger fîlm ne li ser evîna keç û kurek, li ser evîna sewalan be çawa dibe?

Bêlê eynî wisa: Belgefîlmê derhêner Laurent Charbonnier li ser evîna sewalan e. Fîlmê ku bi navê ‘Aşiklar’ (Evîndar) li Tirkiyeyê ket vîzyonê eşqa gelek cureyên sewalan pêşkêş dike.

Ji meymûnan bigire heta fîlan, ji wan bigire heta şêr û çivîkan, ji kangruyan bigire heta masiyan, heta gelek cure sewalên din lehengên fîlm in. Belgefîlm jiyana wan a di kêliya eşqê de pêşkêş dike.

Ew pêşî nêzî hev dibin, dikin ku tesîrê li hev bikin, dûre li hev sor dibin, bi hev şa dibin û di dawiyê de çi dibe hûn dizanin? Di dawiyê de cewrikên/leyîrên wan çêdikin.

Tişteke balkêş e, ji nav ew qas cureyên sewalan, pevşabûna meymûnan dişebe pevşabûna mirovan, yan jî yê mirovan dişibe ya meymûnan.

Welhasil, belgefîlmekî bi mijara xwe balkêş li pêşberî me ye. Her wiha xwezaya xweş, dengê sewalên cur bi cur jî ekstraya belgefîlm e. Ger hûn ji min bipirsin hêjayî temaşekirinê ye. Êdî hûn bi ya xwe ne.

Kunye:

Derhêner: Laurent Charbonnier

Cure: Belgefîlm

Sala Kişandinê: 2007

***

Û fîlmên din ên vê hefteyê:

**Kesinlikle, Belki / Teqez, dibe ku / Definitely, Maybe

Derhêner: Adam Brooks

Lîstikvan: Elizabeth Banks, Rachel Weisz, Ryan Reynolds...

Cure: Dram / Romantîk / Komedî

Sala Kişandinê: 2008

**Nim's Island / Maceraya Giravê / Macera Adası