Êrîşa Tirkiyeyê ya li ser Rojava didome. Îro roja 3'Yan e. Vane hin agahiyên îro yên li ser Rojava...

23.00: Leşkerên Koalîsyonê jî bûn hedef

Di êrîşa li ser Rojava de îşev Tirkiyeyê Girê Miştenûr ê li Kobanî da ber bombeyan. Di vê bomberanê de hat gotin ku hêzên Koalîsyona Navneteweyî jî bûye hedef. Hat gotin ku leşkerek amerîkî miriye û du leşkerên fransiz birîndar bûne. Agahiyên li ser êrîşê rast in lê derbarê mirin an birîndaran de agahî nehat zelalkirin. Dema zelalî çêbe emê rast bikin. 
Wezareta Parastina Neteweyî ya Tirkiyeyê jî îdîa kir ku wan êrîşê leşkerên koalîsyonê nekirine.

18.30: Hollandayê jî biryara nefirotina çekan da

Piştî Norwec û Fînlandiyayê welate Hollandayê jî biryar da ku êdî çekan nefroşe Tirkiyeyê.

17.00: George Cloney ji bo kurdan rexne li Trump girt

Lîstikvanê navdar ê ji DYA'yê George Clooney jî ji bo kurdan dengê xwe bilind kir û ji bo Washington kurd bi tenê hiştine ew rexne kir.

Clooney li Forûma Nordic Bunisess a li Helsînkî li dar ket de ji bo 7 hezar beşdaran gel axivî. Wî gotina Trump a wekî "Kurdan li Normandiyayê alîkariya me nekir" jî rexne kir. Clooney got ku Washingtonê kurd bi tena serê xwe hiştine û ev yek lê zêde kir: "Kurdan ji bo me şer kir, paşê me got 'temam, hûn bi tena serê xwe ne'. Me ew tenê hiştin" û aciziya xwe anî ziman.

Lîstikvan Clooney bi helwesta xwe ya siyasî ya li qada dinyayê jî tê nasîn û her wiha ew ligel parêzer Amal Clooney zewiciye ku ew bi hev re li ser mafên mirovan jî dîtinên xwe tînin ziman.

16.30: Çeteyan li Qamişloyê bombe teqand

Îro saet li dor 16'an li Qamişloyê, li ser kolana Munîr Hebîm ku li ser rêya Hesekê - Amudê çeteyên DAIŞ'ê bombeyek teqandin. Li gor agahiyên ku tên birîndar hene.
Ev kolan, kolaneke qelebalix e, tê gotin ku hin kes mirine, hin birîndar bûne lê agahiyên zelal hê nehatine.

14,30: Îdîa: Hêzên DYA'yê li cihê nêzî şer in

Kanala televîzyona Rûdawê hin dîmen weşandin û got ku Hêzên Dewletên Yekbûyî yên Amerîkayê li Girê Spî ne. Nûçegîhana Rûdawê Rengîn Şero got ku wan hêzên DYA'yê li navçeya Silûk a girêdayî Girê Sispî dîten. Nûçegîhan radigihîne ku konveyek ji 6 erebeyên Hummer û yek Land Cruiser pêk tê li wir dîtine. 

Ligel nûçeyê jî hê nediyar e ew erebe li wir dê ber bi ku ve biçin, yan jî biçin an neçin.

13.30: Li Amedê partiyên kurd daxuyanî dan

Li Amedê  Azadi Hareketi,  DBP, HDP, KKP (Partiya Komunîsta Kurdistanê), Partîya Azadi, Platforma Demokratên Kurd (PDK), PÎA (Partiya Însan û Azadiyê), PSK (Partiya Sosyalîsta Kurdistanê), PDK-T bi hev re daxuyaniyek weşandin û êrîşa Tirkiyeyê ya li hemberî Rojava şermezar kiri. Daxuyanî li avahiya PSK'ê hat xwendin. Kurdiya wê Serokê PSK'ê Mesut Tek, tirkiya wê Cîgerê Serokê DBP'ê Mehmet Şirin Tunç xwend. Di daxuyaniyê de hat gotin ku divê êrîş di cih de bêne rawestandin û artêşa Tirk ji rojavayê Kurdistanê vekişe.

12.15: 9 Baroyan bang kir

Baroya Amed, Wan, Riha, Mêrdîn, Şirnex, Mûş, Semsûr, Çewlig û Dêrsimê derbarê operasyona li ser Rojavayê daxuyaniyeke hevbeş daye.

Baroyan di daxuyaniya xwe de bang li rayedarên dewletê, desthilatdar û mixalefetê kiriye û wiha gotine:

“Em bang aştiyê di serî de li Birêz Serokomar, hemû rayedarên dewletê û partiyên mixalefetê dikin, em dixwazin ku şerê demildest bi dawî bikin. Ti fêdeyeke din a vê manewraya polîtîk nebe ji bilî kûrkirina krîzên psîkolojîk, civakî, siyasî û ekonomîk ên Tirkiyeyê.

Dibe Tirkiye ji hêla leşkerî ji ve di vî şerî de bi ser keve ku li beramberî hemû cîhanê sekiniye. Lê divê neyê jibîrkirin, ‘şer wê biryarê nade ku kî mafdarî, wê biryarê dide ku bê kî bêhêz e.

“Em bawer dikin ku wê ti kes di vî şerî de bi ser nekeve û di serî de gelê tirk û kurd wê hemû gelên Rojhilat winda bikin. Em bang aştiyê di serî de li Birêz Serokomar, hemû rayedarên dewletê û partiyên mixalefetê dikin, em dixwazin ku şerê demildest bi dawî bikin.” (Ev beş ji Bîanetê hatiye girtin)

11.00

Şaredariya Nisêbînê çalakî dan rawestandin

Şaredariya Nisêbînê hemû çalakiyên çandî û konserên ku dê li dar bixista betal kirin. Her wiha Şaredarî eşkere kir ku maça fûtbolê ku dê di navbera Nusaybin Belediye Spor û Gençlerbirligi de bihata lîstin jî betal kirine.

 **

Nûçeyên Eleqedar:

- Ji banga Elî Qazî heta axaftina Trump, ji îro agahiyên derketine 

- 14 partiyên Başûr dest bi çalakiyan dikin 

- YE: Operasyonê bi dawî bikin 

- Dewleta Tirkiyeyê dest bi êrîşê Rojava kir