Enqere
Çerkes ji bo perwerdehiya zimanê zikmakî meşiyan. Di meşê de li ser navê Însiyatîfa Gelên Çerkes endamê însiyatîfê Kenan Kaplan da zanîn ku ew ji pêvajoya "Pêşîvekirina demokratîk" bê hevî ne û wiha got:"Tehamula gelê çerkes a tunebûnê êdî nema ye. Em perwerdehiya zimanê zikmakî dixwazin."

Înisiyatîfa Gelên Çerkes ji bo daxwaza perwerdehiya zikmakî bînin ziman li Parqa Abdî Îpekçî mîting li dar xistin. Berî mitîngê çerkes li Kolana Toros civiyan, kortej saz kirin û ber bi Parqa Abdî Îpekçî ve meşiyan. Nêzî 2 hezar çerkes bi cilên gelêrî meşiyan, alên Osetya, Adiye û Aphazya hilgirtin.
Çerkesan pankartên "Em radyoya bi zimanê xwe dixwazin", "Em perwerdehiya zimanê zikmakî dixwazin", "Yê zimanê wan tune be nabe netew", "Zimanê zikmakî rûmet e, dê şer bikim, biparêzim" hilgirtin û diruşmên wekî "Perwerdehiya zimanê zikmakî nayê astengkirin" berz kirin. Çerkes, piştî meşê li noqteyên lêgerînê yên polîsan derbazî qada mitîngê bûn.

'Li hemberî tunebûnê tehamula me nemaye'

Li qada mitîngê endamê Însiyatîfa Gelên Çerkes Kenan Kaplan, da zanîn ku çerkes tirkî nedizanîn lê ji bo Komara Tirkiyeyê şer kirine, lê piştre hatine ji bîrkirin û wiha domand: "Me bêyî ku tirkî bizanin şer dikir lê zimanê me ji me dan ji bîrkirin. Me hêvî dikir ku welatê me me bibîrtîne. Pêvajoya pêşîvekirina demokratîk ji bo me bû deriyê hêviyan. Lê em bê hêvî man. Piştî kurdan yên herî qebelebilix em çerkes in. Êdî dor dora gelê tirk û Komara Tirkiyeyê ye, êdî tehamula me nemaye ku em tune bên hesibandin."

Kaplan, daxwazên xwe wiha rêz kirin: "Em nawxazin ziman, çand û nasnameya xwe winda bikin. Em dixwazin zarokên me jî bi zimanê xwe yên zikmakî biaxivin. Em derfeta weşana zimanê zikmakî dixwazin. Em perwerdehiya zimanê zikmakî dixwazin."

Axaftina Kaplan di heman demê de adiygeyî û osetyeyî hate xwendin. Piştî axaftinan hunermend Olga Sokurove, Munteha Jon Gulsu derketin ser dîkê û klamên xwe vegotin.

Ji DÎHA'yê hatiye girtin