Diyarname

Îro Serokdewletê Rusyayê Vladimir Putin  îro eşkere kir ku wan li hemberî nexweşiya Covid-19 derzî çêkirin. Wî got ku ew yekemîn welat in ku vê derdixin. Li aliyê din Putin got ku ew derzî li ser keça wî jî hatiye ceribandin.

Li ser vê hin agahiyên din ji Rusyayê hatin belavkirin. Vane ew agahî:

- Putîn: Derzî gelek bi bandor e, hemû ceribandin hatin kirin. Hêviya min ew e di kurtdemê de hilberîna deziyan bê çêkirin û bêne belavkirin.

- Cîgirê Serokdewlet diyar kir ku vê mehê ew dê derziyê li endamên tenduristiyê bixin. 

- Wezîrê Tenduristiyê yê Rusyayê Mihail Muraşko got: Emê gav bi gav derziyê bikar bînin. Fikra me ew e pêşî li kesên têkiliya wan bi enfekteyî re heye bidin. Ev jî endamên tenduristiyê ne û mamoste ne ku tenduristiya zarokên me bi wan re eleqedar e. Piştî wan hedef ew e ku di 1'ê rêbendana 2021'ê de derzî ji bo her kesî bê bikaranîn.

- Enstîtuya Gamaley û kompaniya Binnopharm bi hilberîna derzî re eleqadar e û Fona Razamenî ya Bingehîn a Rusyayê (RDIF) jî ji bo li derveyî Rusyayê hilberîna derziyê çêbike û nasandina wê bide dê razemeniyê bike.

- Wezîrê Tenduristiyê got: Derzî heta du salan bedena kesê derzî lê dane li hemberî vîrusê xurt dike.

- Serokê RDIF'ê Kiril Dmitriyev: Di salek de Rusya dikare hilberîna 500 mîlyon hebî derziyê çêbike. Ji niha de ligel 5 welatan me li hev kir ku ji bo derziyê ligel hev bixebitin.