QAMIŞLO 

Ji bo salvegera koça dawî ya rewşenbîr û şoreşger Osman Sebrî Gerînendetiya Çand û Hunerê ya Herêma Cizîrê û Komîteya Wêjeyê ya Rojava bi diruşma "Bi wêjeyê em bi pêş dikevin" dê 11'ê Cotmeha (Kewçêra) 2020`an Mîhrîcana Osman Sebrî ya 4'emîn li dar bixe.

Nivîskar û helbestvanê kurd Osman Sebrî di sala 1905`an li Semsûrê hatiye dinê û sal 1993`yan wefat kiriye. Ji bo  bîranîna wî mîhrîcanek li dar dikeve lê ji ber li herêmê vîrusa korona berbelav e, Gerînendetiya Çand û Hunerê mîhrîcana îsal di asta pêşbirkên wêjeyî yên mîna çîrok, helbest û pexşan de sînordar bike.

Gerînendeya Çand û Hûnerê diyar kir ku ew ê  xelatên mîhrîcana sêyemîn a par li dar ket, di mîhrîcana îsal de belav bikin. Par vê serdemên ji ber êrîşên dewleta Tirkiyeyê xelat nehatibûn belavkirin.

Gerînendetiya Çand û Huner ya Herêma Cizîrê da zanîn ku nivîskarên ji Bakur û Rojhilatê Sûriyê dikarin tevlî pêşbirka wêjeyê bibin.

Şert tevlêbûnê wiha ne:

- Zimanên tevlêbûnê; kurdî, erebî û suryanî.

-  Beşên pêşbirkê; helbest, kurteçîrok û pexşan.

-  Beşdar dikarin tenê bi berhemekê tev li pêşbirkê bibin.

-  Divê berhem li tu deverê nehatibin weşandin.

- Divê berhem li ser bernameya word werin amadekirin.

-  Divê berhemên kurdî bi puntoya 12 û berhemên erebî û suryanî bi puntoya 14 bin.

-  Kurteçîrok û pêşxan dive herî zêde 1000 gotin bin.

-  Helbestan divê ji du rûpelan zêdetir nebin.

Gerînendetiya Çand û Hunerê ya Herêma Cizîrê diyar kir ku kesên dixwazin tev li pêşbirkê bibin dikarin heyanî 30 Îlonê (Rezberê) berhemên xwe tevî wêneyekî xwe û kurtejiyanan xwe bişînin ser vê e-maîlê: apo.osmansebri@gmail.com

Ji ANHA'yê hatiye girtin