Diyarname

Li gundê Çexmaxe ya navçeya Dibiz a Kerkûkê, di nava hêzên Heşdî Şeebî de taburek ku hemû endamên wê kurd in hate avakirin. Li nav xelkê û bi navê tê zanîn Heşdê Şeebî tê gotin lê navê wê yê fermî "Hêzên Seferberiya Gel" e. Hikumeta Iraqê bi vê navê tabûran ava dike. Heta niha yên ereb û tirmen ava kiribûn, niha ji kurdan jî tabûrek wisa ava kir. Ev Heşdî Şeebî wekî fikir nêzî Îranê ne.

Ji NRT heta Rojnewsê, çapameniya muxalif a li Başûr li ser vê yekê nûçe çêkir. Li gor agahiyên ji Başûr tên ev tabura ku hatiye avakirin, ji aliyê rêveberiya Desteya Bakur ya Heşdî Şeebî ve dê were rêvebirin. Hejmara tabûrê 120 kes in û hemû jî kurd in. Çek, kel û pelê tabûrê jî wê ji aliyê Heşdî Şeebî ve werin pêşwazî kirin.

Yek ji şêwirmendê hêza Heşdî Şeebî Îmad Hisên daxuyaniyek çapemeniyê da û got; “Ev tabur wê parastinê li xelkê herêma xwe bikin. Çawa tirkmen û ereb di nava Heşdî Şeebî de xwedî tabûr in, mafê kurdan e jî bi heman awayî heye xwedî tabûrê bin. Di dema pêş de wê li herêmên din jî hêzên zêdetir werin avakirin. Bi taybetî herêmên kurdan yên ku metirsiya DAIŞ’ê li ser heyî.”

Ji referandûma Başûr, ji meha kewçêra 2017'an ku pêşmerge ji Kerkûkê û herêmên bi nîqaş derketine li wir polîsên hikumetê, artêşa Iraqê û ev hêza Heşdî Şeebî li wir heye.