Diyarname

Wezareta Perwerdehiya Neteweyî (MEB) ya Tirkiyeyê biryar daye ku 20 hezar momesteyê bi peyman bigire kar. Di gelek beşan de dê mamosteyan bigire kar. Heta vir her tişt normal e, lê tam jî ne normalî ji vir wêde dest pê dike: Ji ber ku di nav lîsteyê de ji bo gelek zimanên din bi sedan/hezaran kontenjan vekirine lê ji bo kurdî tenê 3 heb, bi nivîsê "sê heb" kontenjan vekirine.

Wezaret ji bo 2021'ê dê di warê erebî, almanî, îngilîz, rusî, muzîk, muhasebe, tenduristî, dîrok, ziman û wêjeya tirkî û gelek beşên din kontenjan vekiriye û dê ji bo van mamosteyan bigire. Ev yek hemû li aliyek, tiştê xwendevanên me eleqedar dike ziman e û bi taybetî zimanê kurdî. Wezaretê ji bo mamosteyên zimanê kurdî tenê 3 kontenjan veqetandine. Zimanên din? Vane îstatîstîk:

- Zimanê rusî: 25 kontenjan

- Zimanê tirkî: 918 

- Zimanê almanî: 210

- Zimanê erebî: 503

- Zimanê îngilîzî: 1938

- Kurdî (Kurmancî): 2

- Kurdî (Kirmanckî): 1

MEB'ê di sala 2020'an de tenê mamosteyek ji bo kurdî peywirdar kiribû. Sala 2019'an de qet kesek jî peywirdar nekiribû.

Li Tirkiyeyê di dibistanên seretayî pola 5'an de mafê xwendekaran heye zimanê kurdî wekî dersa hilbijêr bineqînin lê midûrên dibistanan bi sedema "mamoste nîn in" yan jî "bi têra xwe kesî serî lê nedaye" wê neqandinê betal dikin û ji dêvla wê ve dersek din didin zarokan.
Li Zanîngehên Merdîn, Mûş, Çewlig, Dêrsim û Amedê ji bo gihandina mamosteyan ders tê dayîn, ji sala 2012'yan heta niha bi ser hezarî de mamoste ji bo kurdî hatiye gihandin lê nehatine tayînkirin.

**

Di vî warî de vîdyoyek:
- Hejmara Mamosteyên Kurdî, Hejmara Dibistanan û Dersa Kurdî...