Diyarname

Lîstikvanê şano û sînemayê yê tirk Rasim Oztekîn ku qeyrana dil derbas kiribe îro mir. Wî heta niha di gelek lîstikên şanoyê û fîlmên sînemayê de rol girtibû ser milên xwe.

Oztekîn duh qeyrana dil derbas kiribû. Pêre we rakirin Nexweşxaneya Dewletê ya Beykoza Stenbolê, ji wir jî rakirin nexweşxaneya Dr. Siyami Ersek a Sing, Qelb û Rehan a Lêkolînê lê nekarîn wî rizgar bikin û îro mir.

Oztekîn di sala 1959'an de li Stenbolê hatibû dinê. Oztekîn piştî xwendina Lîseya Galatasaray li Zanîngeha Stenbolê Dibistana Bilind a Çapemeniyê dixwîne. Wî gava yekem a hunerî li İstanbul Akademik Sanatçilar Toplulugu avêt, paşê li Kadikoy Halk Egîtîm û Nobetçi Tiyatro xebitî.

Heta niha wî di gelek lîstikên şanoyê de lîst. Di destpêka salên 90'î de ligel Nukhet Duru û Demet Akbag "Mukîomedî" saz kir, dûre ligel Hulya Avşar, Îbrahîm Tatlise û dîsa Demek Akbag bernameya "Mega Show" amade kir.

Wî ligel kesên wekî Munir Ozkul, Erol Gunaydin, Tuncel Kurtiz, Zeliha Berksoy kar kir û lîst. 

Oztekîn ligel lîstikvanî, karê dublajê jî dikir û di heman demê de quncik nivîskar bû.

Di nav fîlmên ku wî têde lîstiye de "72. Koguş" (1987), "Bay E" (1995), "G.O.R.A." (2003), "Pardon" (2004), "Kabadayi "(2007), jî hene. Herî dawî par di fîlmê "Baba Parasi" de lîstibû.