Diyarname

Di Copa Amerîka da li gor saeta Amedê nîvê şevê saet 03'yan de maça fînalê hebû. Arjantînê kûpa bir mala xwe.

Va ne hin agahî:

- Maça fînalê ya Copa Amerîka li Stada Maracana ya li Rio de Janeiro ya Brezîlyayê hat lîstin.

- Arjantînê di deqîqeya 22'yan de bi Angel Di Maria golek avêt û tîma xwe bi 1-0 derxist pêş.

- Maç gelek dijwar derbas bû. Tenê di nîveka yekemîn de hakêm 21 caran li firfirokê da û faûl destnîşan kir. Vê demê ji lîstikvanan Fred û Leandro Paredes qertên zer girtin.

- Di encama 90 deqîqeyên de deng ji golên din nehat û Arjantînê piştî 28 salan kûpa bi dest xist.

- Ji sala 1993'yan ve ye Arjantînê ev kûpa bi dest nexistibû. Lê bi vê re bû 15 caran vê kûpayê digire.

- Bi serketinê re arjantînî daketin kuçeyan û dest bi pîrozbahiyan kirin.

- Lîstikvanê navdar ê arjantînî Lionel Messi di lîgê de kûpaya La Lîga, Lîga Şampiyonan jî di nav de kûpa nema bi dest bixe lê di tîma neteweyî de kûpa negirtibû. Messi ligel Arjantînê di Copa America de jî Kûpaya Cîhanê de jî derketibû fînalê lê bi ser neketibû. Ev serketin ji bo wî kêfek din bû. Ev bû kûpaya yekemîn bi formaya tîma neteweyî ew bi dest dixe.

- Bi firfiroka dawî ya hakêm re Messi li cihê xwe çong da û giriya. Di fînala Kûpaya Cîhanê ya 2014'an de Messi nikaribû tîma xwe bi ser bixe ji ber têkçûnê giriyabû, niha ji ber serketinê giriya.

- Bi dawî bûna maçê re bi hezaran arjantînî daketin kuçeyan.
MAÇA SEYEMÎNÎ
Li aliyê din duh jî maça sêyemî ya tûrnûvayê hat lîstin. Di maçê de Kolombiya tîma Perû bi 3-2 têk bir û bû sêyemînê Copa Amerîcayê.
***
Gola Arjantînê: