Enqere

Parêzer ligel Serdozgerê Komarê yê Konyayê li ser bûyerê axivîn. Parêzer Abdurrahman Karabulut, Ozgur Erol, Maviş Aydın û Eylul Yaylaci çûn hevdîtinê.

Parêzer Maviş Aydin der barê hevdîtinê de agahî dan Ajansa Mezopotamyayê. Va ne gotinên parêzer:

- Ligel dozgerên otopsiyê, bi 3 dozgerên din, bi giştî bi 5 dozgeran re me hevdîtin çêkir. Di lêpirsînê de 3 qeydên kamerayê hatine girtin. Yek jê hatiye temaşekirin, yên din hê temaşe nekirine. Di ya temaşe kirine de 30-40 deqîqeyî ye; Di vê kamerayê de tenê êrîşkarek tê dîtin. Heta kamerayên din neyên temaşekirin tiştek nabêjin.

- Li gor vê kamerayê kiryar saet 17.50 de tê mal. Wê çaxê keça biçûk a malê û xwişka wê ji cem cîranan tê. Dema kiryar (*)erebeya xwe dide rawestandin ligel wan diaxive. Paşê kiryar diçe hundir. EW û kalik Yaşar Dedoglu li ser kursiyan hember hev rûdinin. Wê demê jinên malê jî li hemberî hev li ser keviran rûdinin, dor 5 kesan in. Hinek diaxivin. Ew  hevdîtin dor 20 deqe didome, paşê kiryarî oxir dikin. Piştî 18 deqîqeyan dîsa vedigere. Di dest de poşetek hêşin heye, çekê ji poşetê derdixe. Dema kiryar gule bera dide keça biçûk a malê xwe diavêje ser kiryarî ji bo çekê ji dest bigire. Paşê jinek din xwe diavêje ser, dikin çekî ji dest bigirin. Paşê yên din beşdar dibin. Kiryar bi awayekî ji dest wan dilepite. Paşê vedigere gule bera hemûyan dide.

- Di 12'yê gulana îsal de êrîşê vê malbatê hatibû kirin. Kiryarê niha xizmê wan e lê ew berê ne di nav kesên wê çaxê hatibûn binçavkirin û berdan de bû.

- Me kamerayeke temaşe kir, di vê kamerayê yek kiryar heye, piştî temaşekirina kamerayên din dibe ku hejmara kiryaran zêde bibe.
*Ji ber dadgeh nehatiye kirin û ceza nehatiye birîn, nikarin bêjin "Kujer" bi zimanê hiqûqê "kiryar" tê bikaranîn.

***

Nûçeya Eleqedar:

- Cenazeyên kurdên hatin qetilkirin hatin definkirin