Diyarname

Di Festîvala Fîlman a Navneteweyî ya Sarajevo de derhênerê meksîkî Michel Franco xelata serketî "Qelbê Sarajevo" girt.

Festîvalan Fîlman a Sarajevoyê îsal 27'emîn car li dar dikeve. Festîvalê 13'yê mehê dest pê kir û 20'ê mehê bi merasimê dê bi dawî bibe. 17'ê mehê derhênerê meksîkî Michel Franco gihîşt xelata xwe. 

Derhêner Franco par layiqê Xelata Qelbê Sarajevo hatibû dîtin lê ji ber vîrusa koronayê xelata xwe negirtibû. Fîlmê wî "New Order" niha di festîvalê de hat nîşandayîn.

Îsal di 4 waran de 47 berhem ji bo xelatên ketine pêşbaziyê. Di beşa Pêşbaziya Fîlmên Metrajdirêj de 9 fîlm, di beşa Kurtefîlman de 10 fîlm, bi beşa Belgefîlman de 16 belgefîlm, di beşa Fîlmên Xwendekaran de 12 fîlm cih digirin.

Ji bilî van di beşên wekî promiyeta dinyayê, fîilmên navneteweyî, fîlmên Ewropayê de jî fîlm têne nîşandayîn.

Festîvala Sarajevo ji bo şopên şer ê li herêmê (1992-1995) bitewîne û Sarajevoyê dîsa bike navenda çand û hunerê hatibû dest pê kirin û ji wê demê ve ye ku didome. Heta niha wekî van Robert de Niro, Angelina Jolie, Brad Pitt, Orlando Bloom, Daniel Craig, John Malkovich, Morgan Freeman, Gerard Depardieu, Nuri Bilge Ceylan gelek kesên navdar beşdarî festîvalê bûne.

**

Nûçeya Eleqedar:

- Festîvala Sarajevoyê deriyan vedike