Diyarname

Ew seroko peyîn ê Yewbiyîna Komaranê Sosyalîst ê Sovyetî bî. 91 sere bî û eyro nêweşxane de merd.

Siyasetmedar û parêzer Mihail Gorbaçov rocê 2’yê adarê 1931’inan de Privol’noe de hame bî dinya. Ew serey 1985”inan de bîbî Sekreterê Pêroyîn ê Partiya Komunîst a Yewbiyîna Sovyetî. 

Di wextê serokatî xwu de waşt pergaley Sovyetî de henî bedelnayişan virazo û welat raver bero, la nêşka. Di serey 1987’inan de waşt henî reforman virazo, waşt Sovyetî bikero welatêke sosyal demokrat la bi ser nêkewt. Ê wextê pîrozbahiya 70’yinan a Şoreşê Kewçêrî de Josew Stalin û Lev Troçki rexne kerd. Eynî sere Serokê DYA Ronald Reaganî de peyman viraşt ke fuzeyê bi menzîlê miyanînan betal bikerê.

Di serey 1990 de semedo qeybî Şero Serdin xebetiyabî û peynî ê şerî ard bî Xelata Aştî ay Nobelî da ê.

Gorbaçovî seranê dimara re rey waşt partî virazo la bi ser nêkewt. Ê her di kombiyayişê saziyanê fikrî de xeberî da û serê sosyalîstî, sosyal demokratî de fikrhe xwu ardî ziwan. Ê zehf rey Serokê enkay ê Rusya Vladimir Putinî rexne kerd, la di serey 2014’ninan de wexto Rusya kewte Kirim ê paştê da Putînî. 

Mihail Gorbaçovê ke bi namey “Gorby” hameyne naskerdişî eno wextê ke bî ke nêweşxane de hameyne dermankerdiş. Rocê 30’ê aşme ew merd.