Diyarname

Çalakiyên jin û azadîxwazan li Rojhilat û li bajarên Îranê didomin. Va ne ji îro 4 agahiyên nû yên li ser van çalakiyan…

Cezayê hepsê dan Malbata Emînî

Piştî ku Jîna Emînî ji aliyê hêzên rejima Îranê ve hat kuştin heta îro ev 42 roj in çalakî didomin. Rejima Îranê ku her êrîşê çalakgeran dike vê carê malbata Jîna Emînî be cezayê hepsê hat cezakirin.

NY: Kurd û jin pêşengî bo çalakiyan dikin

Raportorê Taybet ê Îranê yê Konseya Gelan a Girêdayê Neteweyên Yekbûyî (NY) Cawîd Rehman li ser çalakiyan li New Yorka DYA’yê daxuyanî da çapemeniyê. Rehman wisa got, “Divê bi zorê sergirêdana jinan bê betalkirin. Li Îranê der barê lêpirsîn û edaletê de hiqûqa navxweyî nayê bikaranîn. Destûr nayê dayîn. Loma jî divê civaka navneteweyî li ser kujerên Jîna Emînî lêkolînê bike û cezayê bide.”

Rahman got ku Jîna Emînî ne qurbana yekem e û ne jî dê ya dawî be, ligel jinan zarok jî têne kuştin.

Li ser rewşa nû ya li Îranê jî Rahman wisa got, “Jin j bo çalakiyan pêşengî dikin ji ber ku mafê wan ê bingehîn tê binpêkirin. Li rojhilatê Kurdistanê jî li hemberî kurdan zordarî û şîdet heye. Di vê serdemê de gelê Kurdistanê ji mafên xwe yên bingehîn bêpar hatiye hiştin. Di nasnameya Jîna de Mahsa hatiye nivîsin. Rejima Îranê nasname û hebûna kurdan înkar dike. Ji ber vê bêedaletiyê li bajarên Kurdistanê çalakiyên protestoyî zêdetir dibin.”

Kurdpa: 11 kes hatin kuştin

Li aliyê din Ajansa Mafên Mirovan a Kurdpayê ragihand ku di 2 rojên dawê de hêzên Îranê 11 kes kuştine û bi hezaran kes hatine binçavkirin.

253 kes hatin kuştin

Rêxistina Mafên Mirovan a Îranê ragihand ku di protestoyên li Rojhilat û li Îranê de 34 zarok, 19 jin, bi temamî 253 kes hatin kuştin. 

Li Şarbajêr kurdekî hatin kuştin

Li aliyê din Artêşa Îranê her roj êrîşê çalakgeran dike vê carê berê guleyan da navçeyeke başûrê Kurdistanê. Di êrîşê navçeya Şarbajêr a Silêmaniyê de kesek hat kuştin. Li gor agahiyên fermî di êrîşa Îranê de kurdekî canê xwe ji dest daye. Li gor Qeymeqamê Şarbajarê Şaho Osman gotiye ku leşkerên Îranê ji gundê Çoman ê rojhilatê Kurdistanê ve gule reşandin û ciwanekî bi navê Destan Resûl miriye û 2 kes jî birîndar bûne.

Hin Nûçe:

- 12 Wezîrên Jin ên 12 welatan li ser jinên li Îranê daxuyanî dan 

- Rêxistina Rojnamegeran: Li Îranê 41 rojnameger hatin girtin 

- Li ser bajarên kurdan zordariya Îranê zêde dibe 

- Ji Hunergeha Welat bo jinên Rojhilat

- Nar Sanat vê mehê ji bo jinên Îranê fîlman nîşan dide 

- Ji Berfîn Aktay ji bo Jîna Emînî 'Min Xilasî Divê'
-  Li Rojjhilat û Îranê rewşa dawî

- Ji bo Jîna Emînî li sehneyê porê xwe jêkir 

- Çalakiyên ji bo Jîna Emînî didomin, va ye rewşa dawî 

- Xelat diyarî Jîna Emînî, Malbata Şenyaşar û Dayikên zarokên wan winda kirin

- Wêneyê rojê: Ji bo Jîna Emînî 

- Ligel kursiya vala hevpeyvîn