Diyarname

Ekvador li Qatarê mêvan bû, maça yekem bû, lê mêvanî guh neda mazûvan û 3 pûan xistin bêrîka xwe.

Em qala Kûpaya Cîhanê 2022 dikin. Vê carê Qatar ji bo Kûpaya Cîhanê mazûvanî dike. Maça yekem a tûrnûvayê li Stada Al Bayt a li bajarê Al Khorê bi merasim û şahiyê dest pê kir. Şahiya li stada 60 hezar kesî 40 deqe dom kir. Piştî şahiyê maçê dest pê kir. Wekî her tûrnûvayê dîsa bi maça mazûvan tûrnûvayê dest pê kir. Di maça Koma A de mazûvan Qatar û mêvan Ekvador hatin hemberî hev. Di maça ku Ekvador dest bû de bi 2 golan maç bi dest xist.

Bi vê maçê re 3 pûanên pêşî yên tûrnûvayê li ser Ekvadorê hatin nivîsîn. Wekî gola yekemîn a vê tûrnûvayê jî gola Enner Valencia (deqe 16) hat nivîsandin. Gola din a Ekvadorê jî Valencia di deqîqeya 31’ê de avêt.

Maça din a Koma A sibê di navbera Senegal û Hollandayê de dê bê lîstin.

Ji bo agahiyên li ser Kûpaya Cîhanê, rûpela taybet: 

- QATAR 2022, Rûpela Taybet