Diyarname - DÎHA
Konferansa Ziman îro li Amedê dest pê kir û dê sê rojan bidome. Di roja yekemîn de gelek kesî gotina xwe got. Vane hin gotinên beşdaran:

Osman Ozçelîk (Endamê Meclisa Daîmî ya KCD'ê):
(Ozçelik bertek nîşanî gotinên Arinç da û got) Cîgirê Serokwezîr Bulent Arinç kurdî wekî zimanê neşaristanî dibîne. Tirkî ku Arinç wekî zimanê şaristaniyê dibîne ji aliyê Ataturk ve li ser maseya meyê hatiye çêkirin.

Dr. Lezgin Abdurrahman Çali:
MED TV di salên 1990'an de li sirgûniyê dest bi weşanê kir. Televîzyonê di nav çar parçeyan de yekîtiya ziman ava kir. Piştî vê kanalê, gelek televîzyon û malperên din jî zimanê perçekirî cebirand û xizmeta yekîtiya ziman kirin.
Perçekirina gelê kurd zimanê kurd jî perçe bûye û darbeyek mezin xwariye.
Tenê li Iraqê ji bo kurdan derfetên ziman û çandê hatiye dayîn. Li perçeyên din derfetên ziman û çandê tune ye. Ligel ku li Hewlêr û Kerkûkê dibistanên bi kurdî hene jî dîsa jî ew dibistan eleqeyek mezin nabîninç
Ji bo kurdan yekîtiya ziman ji yekîtiya bîrdozî û siyasetê girîngtir e. Kuryan bi têkoşîna xwe gavên girîng bi dest xistin.

Dr. Ebdulwahaw Xalid:
Divê siyasetek pevpar li ser kurdî bê meşandin û êdî yekîtiya ziman bê avakirin. Ji bo standardiya ziman pêk bê divê biryara bi tevlêbûna gelek zimananzanan pêk bê.

Prof. Dr. Michiel Leezenberg (ji Zanîngeha Amsterdamê):
Kurdî zimanekî şaristanî ye. Di sedsala 18'an de bi kurdî berhemên nivîskî hatine amadekirin. Wê demê Ehmedê Xanî ferga kurdî-erebî çêkir. Lê berî wî Elî Xarîdî û Melayê Civîzîrî bi kurdî helbest nivîsin. Li bajarên Amed, Bedlîs û bajarên din digel perwerdehiya bi erebî û farisî, kurdî jî wekî zimanê perwerdehiyê hatiye bikaranîn.

Îbrahîm Seydo Aydogan:
Siyasetmedarên tirk ji bo terê kurdan tevlihev bikin her siyasetmedarên BDP'ê ji xwe re dikin hedef û propaganda dikin ku ew bi kurdî nizanin. Lê siyasetmedarên kurd hem bi kurdî dizanin hem bi kurdî diaxivin. Şaredariyên BDP'ê digel hemû astengiyan bernameyên bi kurdî saz dikin û çalakiyan li dar dixin, propogandaya ku siyasetmedarên tirk dikin ne rast e. Ji bo ev propaganda bi avê de biçe divê siyasetmedarên kurd bi israr bi kurdî biaxivin.

***

Nûçeya eleqedar:

- Konferansa Zimanê Kurdî dest pê kir