Diyarname

Di lîga mezin a Fransayê Ligue 1 de berî ku lîg bi dawî bibe bi hefteyek PSG'ê şampiyoniya xwe ragihand. Bû 11 caran PSG dibe şampiyon ku li Fransayê rekor girt dest xwe.

Paris Saint-Germain (PSG) maça xwe ya dawî li Strasbourgê lîst. PSG li vir 1-1 ma û bi vê pûanên xwe derxistin 81'ê û berî lîg bi dawî bibe bi hefteyek şampiyoniya xwe ragihand. Ji ber ku tîma duyemîn Lens di 81 pûanan de ma.

PSG piştî ku ket destê erebeyan gelek lîstikvanên navdar transfer  kirin.. Di serî de Lionel Messi, Mbappe, Ramos lîstikvanên navdar anîn Fransayê. Bi vê yekê di 10 salên dawî de bû 9 caran dibe şampiyon. Bi vê yekê bû 11 caran dibe şampiyon ku heta niha PSG û Saint-Etienne her yek 10 caran bûbû şampiyon.
DÎROKA LÎGA FRANSAYÊ

PSG ji 2013'yan ve heta niha di 2013, 2014, 2015, 2016, 2018, 2019, 2020, 2022, 2023'yan de bû şampiyon. Di van 10 salan de Monaco 2017, Lille di sala 2021'ê de bûye şampiyon. Wekî din PSG'ê rê nedaye kesî.

Lîga Fransayê Ligue 1 ji sala 1932'yan ve li dar dikeve. Di vê lîgê de PSG bi 11 caran li pêş e. Dûre Saint-Etienne 10 caran, Marseille 9 caran, Nantes û Monaco her yek 8 caran bûye şampiyon. Dûre Lyon bi 7 caran, Deims û Bordeaux her yek 6 caran, Nice û Lille her yek 4 caran, Sete û Sochaux her yek 2 caran bûne şampiyon. Ji bilî van RC Paris, Lilois, Tourcoing, Strasbourg, Auxerre, Lens û Montpeller her yek carek bûne şampiyon.