Diyarname

Amed Spor dawiya vê mehê roja 25'ê mehê kongreya xwe saz dike. Niha 3 agahiyên nû bi Amed Sporê re eleqedar em pêşkêşî we dikin.

BERENDAMÊN JI BO SEROKATÎ

Niha Serokê Amed Sporê Selahattin Yildirim e. Yildirim diyar kiriye ku ewê vê carê nebe berendam. Niha navê 4 kesan ji bo serokatî derbas dibe. Nurullah Edemen ku bi salan ji bo Amed Sporê serokatî kiriye, serokê Amedê Sporê yê serdemek berî niha Çetin Alsaç, Serokê Dim-Derê Aziz Elaldi û Serokê duyem ê Amed Sporê yê niha Cahit Akin. Her çar jî li Amedê karsaz in û keda wan ketiye nava klûbê. Wê çawa be, kî bê hilbijartin em nizanin lê rojên pêş me dê diyar bibe.

JI AKIN BANGA PIŞTGIRIYÊ

Serokê Duyem (As Başkan) ê Amed Sporê Cahit Akin bi ser hesabê xwe yê tora civakî re peyamek belav kir. Akin diyar kir ku bi ser tora civakî re rexneyên neheq li wî û li berendamên din têne kirin û diyar kir ku kirinên wisa zirarê didin Amed Sporê. Akin bang li hezkiriyên Amed Sporê kir ku li dor klûbê bibin yek.

ELALDI HAT BERDAN

Li aliyê Wekîlê Serokê Amed Sporê Omer Elaldi ku roja 23'yê gulanê hatibû girtin, îro hat berdan.