Stenbol
Konsera Aramê Dîkran ku dê 7'ê mehê li Navenda Canda Firatê (NÇF) li dar biketa NÇF'ê salon neda, konser bi paş ve hat avêtin.

Hunermendê navdar Aramê Dîkran piştî Amedê vê carê bi organîzekirina Navenda Çanda Mezopotamya û Navenda Çanda Arzellayê dê li Navenda Çanda Firatê konser bida. Lê NÇF'ê ragihand ku ew salona xwe ji bo konserê nadin.  Li ser vê yekê rêveberê Navenda Çanda Mezopotayayê Mehmet Akyuz ev helwesta NÇF'ê şermeza kir û got: "Gelê kurd bi salan e li hemberî polîtîkayên îmha û înkarê berxwedanê dike. Bi saya vê berxwadanê çanda Mezopotamyayê heta roja me ya îro hat. AKP dibêje 'hemû ziman û çand dikarin bi şiklekî azad bijin' lê hukumeta AKP'ê hewl dide gel bixapîne. AKP rê li ber pêşketina cemaatên xwe vedike û bi vê yekê rantê bi dest dixe. Hikûmet hewl dide li qadên civakî jî kadroyên xwe bicih bike û bi îstîsmara olî li jiyanê bike."

Akyuz diyar kir ku NÇF jî yek ji van saziyên nêzî AKP'ê ye û wiha dom kir: "Ev zîhîniyet dixwaze çanda kurdî tune bike. Ji bo vê yekê zagona derdixin. Pêkanîna dawî vê yekê piştrast deke."
Mehmet Akyuz, da zanîn ku betalkiran konserê şermezar dikin û diyar kir ku wê bernameya xwe li cihekî din pêk bînin.