Diyarname

Ji bo Euro 2024 pişke hat kişandin û tîmên di nav koman de diyar bûn. Di Euro 2024 de 6 kom hene û di her komê de 4 tîm hene. Ji bo van îro pişke hat kişandin.

Di 6 koman de tîmên bibin yekemîn û duyemîn raste rast derbasî Dora 16'an dibin. Ji tîmên bibin 3'yemîn 4 tîmên xwedî pûanên herî baş jî derbasî vê dorê dibin, yên din vedigerin malên xwe.

Di encamê de kom bi vî awayî çêbûn:

- Koma A: Almanya, Macaristan, Skoçya, Swîsre

- Koma B: Spanya, Albenia, Xirvatistan, Îtalya

- Koma C: Îngîlistan, Danîmarka, Slovenya, Sirbistan

- Koma D: Fransa, Avûstûrya, Hollanda, Tîma ku di Play-offa Rêya A de bi ser bikeve (Polonya, Galistan, Finlandiya, Estonya)

- Koma E: Belçîka, Romanya, Slovakya, Tîma ku di Play-offa Rêya B de bi ser bikeve (Îsrail, Bosna Hersek, Ûkrayna, Îzlanda)

- Koma F: Portekiz, Tirkiye, Çekya, Tîma ku di Play-offa Rêya C bi ser bikeve (Gurcistan, Yunanistan, Kazakistan, Luksemburg)
Maçên van play-offan rojên 21 û 26'ê adara 2024'an de têne lîstin û tîmên dê herên Euro 2024 dê diyar bibin.

EURO 2024 KENGÊ YE?

Maçên koman ên Euro 2024 roja 14'yê pûşpera 2024'an bi maça mazûvan Almanya û Skoçyayê saet 22.00'an de dest pê dike. Maça fîlanê roja 14'ê tîrmeha 2024'an de dê bê lîstin û tûrnûva temam bibe.