Îngilîzan bi penaltiyan bilet bi dest xist

Diyarname
Di maçên çarîk fînalê yên Euro 2024 de duh Spanya û Fransa derbasî nîv fînalê bûn. Îro du tîmên din dê derkevin nîv fînalê. Maça yekem di navbera Îngilistan û Swîsreyê de bû.

Di nîveka yekemin de encam neguherî, 0-0. Nîveka duyemîn jî bêyî ku deng ji golê were dom kir, lê Swîsreyê ku xweş êrîş dikin di deqîqeya 75'an bi Embolo encam anî 1-0. Îngilistanê di deqîqeya 80'ê de bi Saka bersiv da û maç bi 1-1'ê bi dawî bû.
Maç derbasî 30 deqîqeyên Zêdek bû, lê dîsa encam neguherî. Îngilistanê di penaltiyan de Swîsre têk bir û derbasî nîv fînalê bû.
Maça din di navbera Hollanda û Tirkiyeyê de ye. Kîjan bi ser bikeve dê bibe reqîbê Îngilistanê.

Hollandayê zora Tirkiyeyê bir
Di maça Hollanda û Tirkiyeyê tîma serketî bû Hollanda. Di maçê de Tirkiye di deqîqeya 35'ê de bi gola Samet akaydin bib 1-0 derket pêş. Nîveka yekemin bi vî awayî bi dawî bû. Hollanda di deqiqeya 70'ê de hat ser xwe. De Vrij goga ji kornerê hat bi serê xwe xweş lê da û gol avêt: 1-1. Di deqîqeya 76'an de Mert Muldur gol avêt keleha xwe û Hollanda bi 2-1 derket pêş. Di deqîqeyên mayî de her du tîman jî firsend bi dest xistin lê tu alî nekarî encamê biguherîne.
Bi vî awayî Hollanda derbasî nîv fînaLê bû û bû reqîbê Îngilistanê.
REWŞA NÎV FÎNALÊ
Bi vî awayî maçên çarîk fînaLê temam bûn û 4 tîm derbasî nîv fînalê bûn.
Di nîv fînalê de 9'ê mehê Spanya û Fransa, 10'ê mehê jî Hollanda û Îngilistan dê bên hemberî hev.
Maça fînaLê 14'ê mehê ye.