Diyarname

Doza "Heqareta li peywerdarekî saziya dewletê" û 10 dozên din ên derbarê Hevserokê Selahattin Demirtaş de kirin yek doz û ji bo wî 20 sal cezayê hepsê tê xwestin. Demirtaş îro di danişînê de got, "Ji ber ku ez kurd im têm darizandin. Kes nikare bi me serî bi de tewandin."

10 DOZ KIRIN YEK

"Heqareta li peywerdarekî saziya dewletê" ji ber gotinên Demîrtaş ên di navbera 2015-2017'an de hatibûn kirin bûn. Hevserokê HDP'ê yê berê Selahattin Demirtaş rexne li Serokwezîrê Tirkiyeyê yê wê demê Ahmet Davutoglu kiribûn. Ji ber van gotinan doz li Demîrtaş hatibû vekirin. Niha ev doz û 10 dozên din ên der barê wî de kirin yek. Danişîn îro li 14'emîn Dadgeha Asliye Cezayê bû. Demirtaş ê girtî ji Girtîgeha Edîrneyê bi SEGBÎS'ê (Pergala Deng û Dîmenê) beşdarî danişînê bû. Beşek parêzerên Demirtaş li dadgehê, hin ji dadgehên Stenbol, Antalya û Amedê bi SEGBÎSÊ beşdarî dadgehê bûn. 

Parêzerên ku pêşî axivîn diyar kirin ku dema ev gotinên wekî sûc têne nîşandayîn hatine kirin Demîrtaş bi xwe mebûs bûye û loma jî ji var gotinan "nikare wekî sûcdar bê hesibê".

'TÊKOŞÎNA ME DÊ BIDOME'

Demîrtaşî di danişînê de got, "Ez kurd im, siyasetmedar im, loma têm darizandin. Ger ez wekî neteweperestê tirk Sedat Peker bama wê ez nehatima darizandin. Ji ber ez ne rêberê çeteyên nijadperest û faşîst im ez têm darizandin. Gotinên ji ber wan ez niha têm darizandin ez bi paş ve nagirim, min hindik jî gotiye. Ger ez êşên gelê ku ez şandime meclisê neynim ziman aha wê çaxê esê bême darizandin. Bi salan e ji ber gotinên min ez li nava 12 metreqorzî hatime hepiskirin lê ez ji mafdariya me bawer im. Kes nikare bi me serî bi de tewandin. Têkoşîna me ya siyasî heta gelê kurd bigihîje maf û azadiya wekhev dê bidome."

Danişîna Demîrtaş ji bo 15'ê gulana 2024'an hat taloqkirin.