Diyarname

Tîma alman Bayer Leverkusen di dîroka xwe de li Bundesligayê yekemîn car bû şampiyon. Hê 5 hefte mane, lê tîmê şampiyoniya xwe ragihand.

Bayer Leverkusen di sala 1904'an de ji aliyê kompaniya dermanan Bayer ve hate avakirin. Bayer Leverkusen li bajarê Leverkusenê ku dikeve nav eyaleta Ren-Vestfalyaya Bakurê ê Almanyayê tîme fûtbolê ye. "Bayer"ê xwe ji kompaniyê, "Leverkusen"ê xwe jî ji bajêrê lê hatiye avakirin girtiye. Tîm di dîroka xwe de yekem car li lîga mezin a Almanyayê Bundesligayê dibe şampiyon.

Tîmê di sala 2022'yan de tîm teslîmê teknîk dîrektor Xabi Alonso kir. Alanso ku di dema lîstikvaniya xwe de Real Sociedadê dest bi lîgê kiribû, paşê çûbû Liverpoolê, ji wir çûbû Real Madridê û ji wir jî transferê Bayern Munihê bûbû. Alanso di sala 2014'an de dest ji fûtbolê berda û li ser teknîk dîrektorî dest bi perwerdehiyê kir. Alonso di sala 2019'an de dest bi rêvebirina tîma B ya Real Sociedadê kir û heta 2022'yan dom kir. Dûre di sala 2022'yan de Bayer Leverkunê tîm teslîmê wî kir.

Sala pêşî tîmê di rêza pêncemîn de lîg temam kir. Û îsal di hefteya 29'an de, yanê berî lîg bi dawî bibe bi 5 hefteyan şampiyoniya xwe ragihand. 

Leverkusenê îro li mala xwe tîma Werder Bremenê kir mêvan û bi 5-0 ew şand mal. Bi vê serketinê pûanên tîma bi formaya sor-reşê derket 79'an. Di rêza duyemîn de Bayer Munih û rêza sêyemîn de Stutgart bi 63 pûanan cih digirin.

Golên Leverkusenê lîstikvan Victor Boniface (deqe 25), Granit Xhaka (deqe 60) û Florian Wirtz (Deqe 68, 83 û 90) avêtin. 

Li Bundesligayê ev 11 sal bûn ser hev de Bayer Munih dibû şampiyon û Leverkusenê rê li ber Bayer Munihê birî

LI BUNDESLÎGAYÊ YEKEM CAR E DIBE ŞAMPIYON

Bayer Munih di Bundesligayê gelek caran bûye  duyemîn lê tu demê nekariye bibe şampiyon; bi vê yekem car e li Bundeslîgayê dibe şampiyon.

Bayer Leverkusen di sala 1987-88'an de di Kûpaya UEFA'yê de bûbû şampiyon. Di sala 2001-02'yan de jî di Lîga Şampiyonan a UEFA'yê de bûbû şampiyon.

REKORA 43 MAÇAN

Di sala 2008-2009'an heta niha li Bundeslîgayê tenê carek Borissia Dortmun bûye şampiyon û niha jî Leverkusen, wekî din her Bayer Munih bûye şampiyon.

Ji sala 2000'î heta niha li 10 lîgên mezin ên Ewropayê tenê Juventus di hemû waran de 43 caran ser hev de di maçê de bi ser ketiye. Niha Bayer Leverkusen bi serketina îro bû şirîkê vê rekora Juventusê.

Li aliyê din Xabi Alonso jî di dîroka teknîk dîrektoriya xwe de yekem car di lîgeke mezin de dibe şampiyon.

LI EWROPA Û ALMANYAYÊ MAÇÊN LEVERKUSENÊ

Li aliyê din Leverkusen niha di Lîga Ewropayê a UEFA û di Kûpaya Almanyayê de rêya xwe didomîne. Leverkusenê di çarîk fînala Lîga Ewropayê de vê hefteyê tîma îngilîz West Ham United bi 2-0 têk biribû û hefteya pêşiya me (18'ê mehê) wê maça duyemîn bilîze.

Li aliyê din di Kûpaya Almanyayê de jî derketiye fînalê. Maça fînalê roja 25'ê gulanê dê ligel Kaiserslauternê bilîze.