Diyarname
Deyrvana bi name û veng Taylor Swifte 19'ê nîsanî bi namey "The Tortured Poets Department" albumêke newe vet. Bi enî albumî cade kewte miyanê tarîxe.
Swifte par zey "Şexsiyeta Serkewtî ay Sere" hamîbî weçînayişî. Ay, 4 rey pêsero "Xelata Albumê Sere" ay Grammy girot bî û tarîx nist bî, reyna tarîx nist.
Çawey album veciya rocêke de Spotify de 300 mîlyon rey hame goştarîkerdişî û bi ene yewî kewte miyanê tarîxe. Deyrey ay "Fortnight" bî dêra ke di heme zemanan de roco verîn tewr zehf hamiya goştarîkerdişî. Eno rekor destê dêrey Adele "Easy On Me" (2021) de bî.
Apple Musicî zî va, "Album çawey hamew vilakerdişî rekorê rocêke tewr zehf hamey goştarîkerdişî şikito".
Amazon Musicî zî eşkera kerd de album di 3 rocan de hamey astey albumo tewr zehf hamey goştarîkerdişî.