Diyarname
Amedspor hema pêşiya me konfreya xwe ya giştî li dar dixe. Serokê Amedsporê Aziz Elaldi vekişiya, di kongreyê de wê rêveberiyeke nû bê hilbijartin.
Lijneya Rêveberiya Amedsporê 20'ê mehê civiya bû û biryar dabû ku roja 4'ê pûşpera 2024'an kongreyê lidar bixin. Li Amedê Lijneya Îştîşare ya Bilind bi giştî li ser rêveberî di nav xwe di nîqaş dike. Di nav vê lijneyê de saziyên sivîl ên Amedê nûner hene. Li gor hin agahiyan wan biryar daye ku di bin serokatiya Nedim Şimşek de rêveberiyeke nû bê sazkirin.
Li ser vê yekê îro Serokê Amedsporê Aziz Elaldi bi ser tora civakî re daxuyaniyeke nivîskî belav kir û got, "Wekî hemû gelê me jî dizane Amedspor ji aliyê nûneriya herêmê ve xwedî ciheke girîng e; bi pêşbazî diyarkirina serokek ji bo Amedêsporê ji bo ratiya Amedsporê û hêza wekhev dê zirarê wê çêbe, loma jî ez wekî kesek li Amedsporê min serokatî kiriye û bi salan ked daye vê dibêjim: Ji bo berjewendiya Amedsporê, ji bo rê li ber Lijneya Bilind a ÎŞtîşareyê vekim ku Nedim Şimşek an jî hevalek din bikin berendam, min biryara vekişîna berendamtiya xwe da. Ez wekî kesek ku dizane AMedspor her dem bi ser sazî û kesan re ye ezê tu demê tîma xwe bi tenê nehêlim."
Lijneya Îştîşareyê heta niha her demê heta roja dawî jî li ser navan nîqaş kiriye û bi vî awayî serokek ji bo Amedsporê diyar kiriye. Niha jî pêvajoya kongreyê didome.
Li gor biryara hatiye girtin 4'ê meha pêşiya me saet 16.30 de li Tesîsên Şehmus Ozer a Amedsporê wê kongre li dar bikeve; ger piraniya berendaman amade nebin, kongre 11'ê mehê li heman cihî û saetê li dar bikeve.

Nedim Şîmşek kî ye?
Nedim Şîmşek ku ji bo serokatiya Amedsporê navê wî tê bilêvkirin ji Pîrana Amedê ye. Endamê DTSO'yê ye, delegeyê TOBB'ê ye, sekreterê giştî yê Komeleya Mitehîtên Înşaatê ya Amedê ye. Wî heta niha Serokatiya Erganî Spor kiribû û niha di nav Lijneya Îştîşareyê ya Bilind a Amedê de bû. Di anîna teknîk dîrektor Mesut Bakkal de rola wî jî hebû.

***

Vîdeoya li ser meseleyê: